கடனிலிருந்து விடுபடுவது எப்படி? – பலனளிக்கும் 5 உத்திகள்

எவருடைய நிதி அறிக்கை அல்லது நிதி நிலையை கவனித்தாலும், அவருக்கு ஏதாவது ஓர் அளவில் கடன் இருக்கும் என்பது புரியும். வங்கிகளும் நிதி நிறுவனங்களும் தனிநபர் கடன், கார் கடன், வீட்டுக் கடன், விடுமுறைக் கடன் எனச் சகலவிதக் கடன்களையும் குறைந்த விகிதத்தில் வழங்கி மக்களை ஈர்த்து கடன் வாங்கத் தூண்டுகிறார்கள். மக்கள் கடனை அடைப்பதில் உள்ள சிரமங்கள் பற்றி யோசிக்காமல் கடன்களைப் பெற முனைகின்றனர். அது மட்டுமல்ல, மக்கள் தங்கள் வருமானத்தைப் பற்றி யோசிக்காமல், தவணை முறையில் உபகரணங்களை வாங்குவது, ஒன்றுக்கும் மேற்பட்ட கிரெடிட் கார்டுகளைப் பெறுவது போன்றவற்றின் பால் ஈர்க்கப்படுகிறார்கள்.

சுருக்கமாகச் சொன்னால், உங்கள் வரவை விட செலவு அதிகமாக இருப்பின், அது கடன் சூழ்நிலைக்கு வழிவகுக்கும். நீங்கள் வருமானத்தை விட அதிகமாகச் செலவு செய்பவராக இருந்தாலும் அல்லது அளவுக்கதிகமான கிரெடிட் கார்டு பேமென்ட் அல்லது கடன் வட்டி பேமென்ட்களின் சுமை கொண்டிருந்தாலும் இது நிகழும். கவலைப்படாதீர், நீங்கள் மட்டுமல்ல, மேலும் பலர் இதுபோன்ற சூழ்நிலைகளில் சிக்கியுள்ளனர். நீங்கள் பாக்கியை அல்லது கடனை அடைக்க வேண்டியிருந்தால், 2025இல் கடனிலிருந்து விடுபட்டு நிதிச் சுதந்திரம் பெற இதோ சில வழிமுறைகள்.

கடன் அடைப்பு அல்லது கிரெடிட் கார்டு பேமென்ட் செலுத்தும்போது எப்படிக் கடனிலிருந்து விடுபடுவது என யோசிக்கிறீர்களா? மாதந்தோறும் குறைந்தபட்ச பாக்கித் தொகையை விட அதிகமாகச் செலுத்துவது சிறந்த வழி. இதன் மூலம், ஒவ்வொரு மாதமும் அதிக நெருக்கடி இல்லாத வகையில் குறைந்தபட்ச வரம்பை விட சற்று அதிகமாகச் செலுத்த முடியும். அதேவேளை, நீங்கள் சற்று அதிகமாகச் செலுத்துவதால், பாக்கி அசல் தொகை குறையும், ஆக அடுத்த சுழற்சியில் செலுத்தவேண்டிய குறைந்தபட்சத் தொகையும் குறையும்.

2025இல் எப்படிக் கடனிலிருந்து விடுபடுவது என்பதற்கு ஒரு மிகச்சிறந்த தீர்வு, உங்கள் கடனை ஒருமுகப்படுத்துதல். 2 முதல் 3 தனிநபர் கடன்களுக்கு தவணை செலுத்துவதற்குப் பதிலாக, ஒரு கடனை எடுத்து சிறு கடன்களை அடைத்துவிடுங்கள். இதன் மூலம், ஒவ்வொரு கடனையும் தனித்தனியாகக் கவனிக்கும் சுமை இருக்காது.

கடன்கள் மற்றும் கிரெடிட் கார்டுகளுக்கான வட்டி விகிதம் காலத்துக்குக் காலம் மாறிக்கொண்டே இருக்கும், ஏனென்றால் அவை நாட்டின் பொருளாதார நிலை, நிதி வரத்து, சந்தை நிலைமைகள் போன்ற பல்வேறு காரணிகளைப் பொறுத்தது. எனவே, வட்டி விகிதம் காலத்துக்குக் காலம் மாறிக்கொண்டே இருக்கும். இது குறித்து கவனித்து வருவது சிறந்தது, ஏனென்றால் வட்டி விகிதம் குறையும்போது குறைந்த விகிதக் கடனைப் பெற்று பழைய கடன்களை அடைத்துவிடலாம். இது பணத்தை மிச்சப்படுத்தி கடன் வலையிலிருந்து வெளியேற ஒரு சாதுரியமான வழி.

திடீரென்று வருமானத்தைக் கூட்டுவது எளிதல்ல, எனினும் நிதி வெளியேறுவதை நீங்கள் கட்டுப்படுத்தலாம், இதன்மூலம் உங்கள் வருமானக் கையிருப்பு அதிகரித்து கடனை விரைவாக அடைக்க முடியும்.

உங்கள் கார்டு பில்கள், கடன் ஆகியவற்றுக்கு உரிய நேரத்தில் பாக்கியை செலுத்துங்கள், ஏனென்றால் தாமதிப்பதால் அபராதம் விதிக்கப்பட்டு கடன் தொகை அதிகரிக்கும்.

முடிவு: எனவே, 2025லேயே கடனிலிருந்து விடுதலை பெறுவது எப்படி என்று யோசிக்கிறீரா? இந்த 5 வழிமுறைகளைப் பின்பற்றி அதன் பலன்களைப் பாருங்கள்.