செல்வத்தை உருவாக்குவதற்கும், நமது எதிர்காலத்தை நிதி ரீதியாகப் பாதுகாப்பதற்கும் நாம் தொடர்ந்து வழிகளைத் தேடிக்கொண்டிருக்கிறோம். இந்த இலக்கை மனதில் கொண்டு, நாம் பல்வேறு திட்டங்களிலும் பிற நிதிக் கருவிகளிலும் முதலீடு செய்கிறோம். இவை ஒவ்வொன்றும் அதன் தனித்தனி நன்மைகளைக் கொண்டுள்ளன. அத்தகைய ஒரு கருவிதான் பணம் திரும்பப் பெறும் திட்டம் .இந்தத் திட்டத்தைப் பற்றியும், நிதித் திட்டமிடலுக்கு இது எவ்வாறு உதவும் என்பதைப் பற்றியும் கீழே விரிவாகத் தெரிந்துகொள்வோம்.

ஒரு பணத்தைத் திரும்பப் பெறும் ஆயுள் காப்பீட்டுத் திட்டம், காப்பீட்டுதாரர் உயிருடன் இருக்கும் வரை, காப்பீட்டுக் காலம் முழுவதும் காப்பீட்டுத் தொகையை 'உயிர்வாழ்வுப் பலன்களாக' சமமாகப் பிரித்து வழங்குகிறது. பணம் திரும்பப் பெறும் பாலிசி தொடங்கிய சில ஆண்டுகளுக்குப் பிறகு, உயிர்வாழ்வுப் பலன் வழங்கப்படும், மேலும் காப்பீடு செய்யப்பட்டவர் உயிருடன் இருந்தால் முதிர்வு காலம் வரை தொடரும். திட்டத்தின் முதிர்வு காலத்திற்கு முன்பாகவே பாலிசிதாரர் இறந்து விட்டால், முதிர்வுத் தொகையையும், முழு காப்பீட்டுத் தொகையையும், அத்துடன் ஏதேனும் போனஸ் சேர்ந்திருந்தால் அதனையும் நாமினி(கள்) பெறுவர்.

இந்தத் திட்டத்தின் நடைமுறையைப் புரிந்து கொள்ள, ஒரு உதாரணத்தைப் பார்ப்போம்:

உங்களுக்கு 20 வயதாக இருக்கும்போது, உங்கள் தந்தை உங்கள் பெயரில் ஒரு பணத் திரும்பப் பெறும் காப்பீட்டுத் திட்டத்தை வாங்குகிறார். உயிர்வாழ்வுப் பலனின் ஆரம்பத் தொகை 5வது ஆண்டில் செலுத்தப்படும், இதன் மூலம் நீங்கள் உங்கள் மாணவர் கடனை அடைக்கலாம் அல்லது கல்விச் செலவுகளை சமாளிக்கலாம். இரண்டாவது தவணைத்தொகை 10வது ஆண்டில், உங்களுக்கு 30 வயதாகும்போது, உங்கள் திருமணச் செலவு அல்லது வீட்டுக் கடனுக்கு உதவும் வகையில் வழங்கப்படும். நீங்கள் 35 வயதை எட்டும்போது கிடைக்கும் மூன்றாவது தவணைத் தொகையானது, உங்கள் குழந்தையின் கல்விச் செலவுகளுக்கோ அல்லது உங்கள் நடுத்தர வயதுக் காலகட்டத்திற்கான ஏதேனும் ஒரு புதிய முயற்சிக்குமோ தயாராக உங்களுக்கு உதவக்கூடும். இறுதித் தவணை உங்களுக்கு 40 வயதாகும்போது 20வது ஆண்டில் செலுத்தப்படும். காப்பீட்டுத் தொகையின் மீதமுள்ள பகுதி, மீள் போனஸுடன் உங்களுக்கு வழங்கப்படும். இந்தத் தொகையைக் கொண்டு நீங்கள் சில பயணங்களுக்குத் திட்டமிடலாம் மற்றும் உங்கள் பிள்ளையின் கல்விச் செலவுகளைச் சந்திக்கலாம்.

1. பாலிசி காலத்தில் வருமானம் - அவ்வப்போது செலுத்தப்படும் உயிர்வாழ்வுப் பலன் கடன்களை அடைப்பதற்கும், உங்கள் கல்வி, பயணங்களைத் திட்டமிடுவதற்கும், வாகனம் வாங்குவதற்கும் மற்றும் பல வாழ்க்கை இலக்குகளை நிறைவேற்றுவதற்கும் உதவுகிறது. இந்தக் காப்பீடு, மற்ற காப்பீட்டுக் கொள்கைகளால் வழங்கப்படும் கூடுதல் நன்மைகளைப் போல் இல்லாமல், உங்கள் நிதிப் பாதுகாப்பை மேலும் பலப்படுத்துகிறது. இந்த வழக்கமான கொடுப்பனவுகள்தான் பணம் திரும்பப் பெறும் பாலிசியின் தனித்துவமான அம்சங்களாகும்.
2. முதலீடு மற்றும் காப்பீட்டுக் கூறுகள் — மேம்படுத்தப்பட்ட பணப்புழக்கம் மற்றும் முதிர்வுப் பயன்களுடன், இத்திட்டமானது காப்பீடு மற்றும் முதலீட்டுத் திட்டம் ஆகிய இரண்டின் பயன்களையும் ஒருங்கிணைத்து வழங்குகிறது.
3. இறப்புப் பயன் – காப்பீட்டுக் காலத்தின் முழுவதிலும் உயிர்வாழ்வுப் பயன் தவணைகளாக வழங்கப்பட்டாலும், காப்பீட்டுத் திட்டம் முதிர்வடைவதற்கு முன்பாகவே காப்பீடுதாரர் காலமானால், இறப்புப் பயன் முழுமையாக நாமினிக்கு வழங்கப்படும்.
4. கூடுதல் பலன்கள்- மற்ற வழக்கமான காப்பீட்டுத் திட்டங்களைப் போலவே, பணத்தைத் திரும்பப் பெறும் காப்பீட்டுத் திட்டமும், கடுமையான நோய்கள் மற்றும் விபத்து மரணங்களுக்கான கூடுதல் பலன்களை வழங்குகிறது. இது, குறிப்பிட்ட கால இடைவெளியில் பணத்தைத் திரும்பப் பெறுதலுடன் பாதுகாப்பை விரும்புவோருக்கு, பணத்தைத் திரும்பப் பெறும் திட்டத்தின் முக்கியத்துவத்தை மேலும் அதிகரிக்கிறது. 
5. வரிச் சலுகைகள் - வருமான வரிச் சட்டத்தின் கீழ், பணம் திரும்பப் பெறும் பாலிசியில் வேறு எந்த காப்பீட்டுத் திட்டத்தையும் போலவே வரி விலக்கும் அளிக்கப்படுகிறது.

குறைந்த இடர் அம்சம் மற்றும் வருமானம், முதிர்வுப் பலன்களுடன் கூடிய முதலீடு மற்றும் காப்பீட்டுப் பாதுகாப்பை நாடும், இடர்களைத் தவிர்க்கும் நபர்களுக்குப் பணத்தைத் திரும்பப் பெறும் காப்பீட்டுத் திட்டங்கள் ஒரு சிறந்த தேர்வாகும். ஒரு 'பணம் திரும்பப் பெறும் திட்டத்தை' வாங்குவதற்கு முன், அதன் அனைத்து அம்சங்களையும் சரிபார்த்து, விதிமுறைகள் மற்றும் நிபந்தனைகள் அனைத்தையும் கவனமாகப் படித்துப் பார்க்க நினைவில் கொள்ளுங்கள். பணத் திரும்பப் பெறும் பாலிசிகளில் எது சிறந்தது என்று நீங்கள் யோசித்துக் கொண்டிருந்தால், பல்வேறு விருப்பங்களை ஒப்பிட்டுப் பார்த்து, உங்கள் நிதி இலக்குகளுக்குப் பொருத்தமான ஒன்றை தேர்ந்தெடுப்பது நல்லது.