தந்தையர் தினம் கொண்டாடுவோம் ஆயுள் காப்பீடு மூலம் குடும்பங்களைக் காப்போம்

குடும்பத்தில் தந்தை ஒரு மையப் பங்கு வகிக்கிறார். அவர் தனது அன்புக்குரியவர்களைப் பேணிப் பாதுகாத்துக் கவனித்துக்கொள்ள பல்வேறு துன்ப துயரங்களைச் சந்திக்கிறார். அவர் ஒரு பாதுகாப்பான இல்லத்தை வழங்குகிறார், வாழ்வாதாரம் ஈட்டும் பங்கு வகிக்கிறார், சவாலான காலங்களில் ஆதரவுத் தூணாக இருக்கின்றார். தந்தைமார்கள் தங்கள் நடவடிக்கைகள் மூலம் பாதுகாப்பு உணர்வை ஏற்படுத்துகின்றனர்.

ஆம், காலப்போக்கில் தந்தையின் பங்கும் பொறுப்புகளும் மாறிவிட்டன. இப்போது அவர்கள் குடும்பத்தின் அன்றாட நடவடிக்கைகளிலும் பங்கு பெறுகிறார்கள்.

குழந்தைகளுக்கு நிதி ஆதரவு அளிக்கும் அதேவேளை, அவர்களுக்கு நண்பர்களாகவும் முன்மாதிரியாகவும் இருக்கிறார்கள். அவர்கள் ஒவ்வொரு உறவிலும் அன்பைப் பேணி, திடமான உடல்நலத்தை ஊக்குவித்து, தங்கள் குழந்தைகளின் முன்னேற்றத்தில் சதா ஈடுபட்டு வருகிறார்கள். தங்கள் குடும்பங்களுக்கு வாழ்வாதாரம் வழங்கும் பொறுப்பை நிறைவேற்றிக் கொண்டே, தொழில் மற்றும் குடும்பத்திற்கு இடையே சமநிலை பேணி, குடும்பத்திற்கு பெரு முக்கியத்துவம் அளிக்கிறார்கள்.

தந்தைமார்களே தங்கள் குழந்தையின் முதல் ஆசான் என்று நம்பப்படுகிறது. தங்கள் குடும்பங்களின் அடிப்படைத் தேவைகளைப் பூர்த்திசெய்யும் அதேவேளை, குழந்தைகளிடையே உணர்ச்சி மற்றும் நிதி ரீதியான நிலைத்தன்மையை விதைக்கிறார்கள். வளர்ச்சியின் ஒவ்வொரு கட்டத்திலும், அவர்கள் குழந்தைக்கு வாழ்வின் சவால்களை எதிர்கொள்வதற்கான தன்னம்பிக்கையை மேமபடுத்த முடியும், வாழ்வில் அறிவார்ந்த முடிவுகளை எடுக்க உதவும் நடத்தைகளைப் பின்பற்றுமாறு கற்றுத்தர முடியும், மேலும் முதிர்ந்த வயது வாழ்வில் இடர்களைச் சந்திக்கும் தயார்நிலையை வழங்க முடியும்.

உடல் மற்றும் உணர்ச்சி ரீதியான பாதுகாப்பு

தந்தையர்கள் குடும்பத்தின் தேவைகளைக் கவனித்து, அவர்களின் பாதுகாப்பை உறுதி செய்வதால், அவர்கள் முன்மாதிரியாகவும் பொருளாதாரப் பாதுகாப்பாகவும் திகழ்கிறார்கள். நேர்மறையான மற்றும் நிலையான உணர்ச்சிகளை வெளிப்படுத்தும் தந்தையர்கள், குழந்தை மற்றும் குடும்பத்தின் மற்ற அனைத்து உறுப்பினர்களும் கடினமான உணர்ச்சிகளைக் கையாள்வதை எளிதாக்குகிறார்கள்.

குடும்பத்திற்கான நிதிப் பாதுகாப்பில் ஆயுள் காப்பீடு குறிப்பிடத்தக்க பங்கு வகிக்கிறது மற்றும் தந்தை இல்லாத நேரத்தில் அது குடும்பத்தின் நிதி நலன்களைப் பாதுகாக்க உதவுகிறது. பாலிசி காலத்தில் பாலிசிதாரர் இறந்தால், இது காப்பீட்டுத் தொகையை வழங்குகிறது, இதனால் குடும்பம் நிதி ரீதியாக பாதிக்கப்படாமல் இருப்பதை உறுதிசெய்கிறது. இந்தப் பணம் வருமானத்திற்கு ஒரு மாற்று ஏற்பாடு, அதேபோல் தற்போதும் எதிர்காலத்திலும் குடும்பத்தின் பல்வேறு நிதி இலக்குகளை இது கவனித்துக்கொள்ளும்.

ஆயுள் காப்பீடு கட்டுப்படியானது மற்றும் நம்பகத்தன்மை கொண்டது, தாம் இல்லாதபோதும் தமது அன்புக்குரியவர்கள் பாதுகாப்பாக இருப்பார்கள் என்ற மன அமைதியை இது தந்தைகளுக்கு வழங்குகிறது.

• டேர்ம் பிளான்: அனைத்து ஆயுள் காப்பீட்டுத் திட்டங்களிலும் மிகவும் எளிமையானதான ஒரு ப்யூர் டேர்ம் பிளான் , பாலிசிதாரருக்குக் காலக்கட்டத்தில் ஏதேனும் நேர்ந்தால் உறுதியளிக்கப்பட்ட தொகையை வழங்குகிறது. இது கட்டுப்படியான பிரீமியங்களில் கணிசமான ஆயுள் பாதுகாப்பை வழங்குகிறது.
• யூனிட்-லிங்க்டு இன்சூரன்ஸ் திட்டம் (ULIP): காப்பீடு மற்றும் முதலீட்டை இணைப்பதன் மூலம், ULIP-கள் இரட்டைப் பலன்களை வழங்குகின்றன. பிரீமியத்தின் ஒரு பகுதி ஆயுள் காப்பீட்டிற்காகச் செலவிடப்படுகிறது, மற்ற பகுதி வருமானம் ஈட்டுவதற்காகச் சந்தைகளில் முதலீடு செய்யப்படுகிறது.
• எண்டோவ்மென்ட் திட்டங்கள்: எண்டோவ்மென்ட் திட்டங்கள் ஆயுள் காப்பீட்டுடன், வழக்கமான சேமிப்பு மற்றும் முதிர்வுப் பலன்களையும் வழங்குகின்றன. பாலிசிதாரர் பாலிசிக் காலத்தின் போது இறந்துவிட்டால், இத்திட்டங்கள் மரணப் பலனை வழங்குகின்றன. பாலிசிதாரர் பாலிசிக் காலம் முடியும் வரை உயிருடன் இருந்தால், அது முதிர்வுப் பலன்களையும் பொருந்தக்கூடிய போனஸ்களையும் வழங்குகிறது.
• குழந்தை காப்பீட்டுத் திட்டங்கள்: ஒரு குழந்தை காப்பீட்டுத் திட்டம் உங்கள் குழந்தையின் எதிர்காலத்தைப் பாதுகாப்பதோடு, உயர்கல்வி மற்றும் திருமணம் போன்ற அவர்களின் அத்தியாவசிய வாழ்க்கை இலக்குகளுக்காக ஒரு நிதி ஆதாரத்தையும் உருவாக்கும்.

ஆயுள் காப்பீடு மூலம் தந்தைகள் தங்கள் குடும்பங்களுக்கு திடமான நிதி வட்டத்தை உருவாக்க முடியும். தந்தைக்கு அகால மரணம் ஏற்பட்டால் ஆயுள் காப்பீட்டுப் பாலிசி வழங்கும் வருமானத்தின் மூலம் அவரது குடும்பம் தன் வழக்கமான தேவைகளைப் பராமரிக்கவும், கடன்களை (ஏதேனும் இருந்தால்) அடைக்கவும், முந்தைய அதே வாழ்க்கைத் தரத்தை பராமரிக்கவும் முடியும். விருப்பத்திற்கேற்ப முழுமையாகவோ பகுதியாகவோ பெறப்பட்ட காப்பீட்டுத் தொகை மூலம் குழந்தைகள் தங்கள் கல்வியை நிறைவு செய்யவும், இழந்த வருமானத்தை ஈடுகட்டவும் இயலும்.

ஒரு தந்தை தான் இல்லாத நேரத்தில் தனது குடும்பத்துக்கு நிதிப் பாதுகாப்பு அளிக்க சரியான பாலிசியைத் தேர்ந்தெடுப்பது மிக முக்கியம். கருத்தில் கொள்ளவேண்டிய சில அம்சங்கள்:

• காப்பீட்டுத் தொகை: போதுமான காப்பீட்டுத் தொகையுடன் கூடிய பாலிசியைத் தேர்ந்தெடுப்பது மிக முக்கியம். காப்பீட்டுத் தொகையைத் தேர்ந்தெடுக்கும் போது, பணவீக்கம் மற்றும் கடன்களை கருத்தில் கொள்ளவும். காப்பீட்டுத் தொகை எவ்வளவு அதிகமாக உள்ளதோ அவ்வளவு சிறந்தது.
• பாலிசி காலம்: இது மற்றொரு முக்கியமான விஷயம். குடும்பத்தினர், குறிப்பாக குழந்தைகள், நிதிச் சுதந்திரம் அடையும் வரை பாலிசி காப்பீட்டை வழங்க வேண்டும்.
• பிரீமியம்: ஆயுள் காப்பீட்டுத் திட்டங்களுக்கு பொதுவாக ஆண்டுதோறும் புதுப்பித்தல்கள் தேவை. பிரீமியம் தொகையை கணக்கில் கொண்டு உங்களுக்கு நிதி நெருக்கடி இன்றி அவற்றைச் சௌகரியமாகச் செலுத்த முடியும் என்பதை உறுதிசெய்து கொள்ளுங்கள். பிரீமியம் செலுத்தத் தவறினால் பாலிசி காலாவதியாகிவிடும்.

இந்தத் தந்தையர் தினத்தில் , தந்தையர்கள் தினசரி ஆற்றும் பாதுகாப்புப் பணிகளைப் பாராட்டுவோம். அவருக்குப் பிடித்தமான இடத்திற்கோ அல்லது இருவரும் சேர்ந்து ரசிக்கக்கூடிய ஒரு செயலுக்கோ அவருடன் ஒரு சாலைப் பயணத்தைத் திட்டமிடுங்கள். பணச் செலவு காரணமாக அவர் வாங்காமல் விட்ட, ஆனால் எப்போதும் விரும்பிய ஒரு பொருளை நீங்கள் அவருக்கு வாங்கிக் கொடுக்கலாம் அல்லது அவருக்குப் பிடித்தமான விளையாட்டைப் பார்க்க அழைத்துச் செல்லலாம். அவருடைய ஆயுள் காப்பீட்டுத் திட்டத்தைப் புதுப்பிக்கவும் அல்லது ஓய்வூதியத் திட்டத்தில் முதலீடு செய்யவும், இதன் மூலம் அவர் ஓய்வுக்குப் பிறகு தனது நிதி இலக்குகளை அடைய முடியும்.

தந்தையர் தின வாழ்த்துக்கள்!