பி.எம்.எஸ்.எஸ்.ஒய்

பிரதான் மந்திரி ஸ்வஸ்திய சுரக்ஷா யோஜனா (பிஎம்எஸ்எஸ்ஒய்) என்பது இந்திய அரசின் ஒரு சுகாதாரக் காப்புத் திட்டம், இது நாட்டின் சேவைக் குறைந்த பகுதிகளின் தேவைகளைக் கருத்தில் கொண்டு, இந்தியா முழுவதும் மருத்துவக் கவனிப்பு, மருத்துவக் கல்வி மற்றும் ஆராய்ச்சி அடங்கிய உயர்நிலைச் சுகாதாரச் சேவைகளை உருவாக்க முனைகிறது. இந்தத் திட்டத்தின் மூலம், மருத்துவக் கல்வி மற்றும் ஆராய்ச்சி உள்ளிட்ட சுகாதாரச் சேவைகளை வழங்குவதில் உள்ள ஏற்றத்தாழ்வுகளைக் குறைக்க முடியும்.

இந்த இரண்டு முக்கிய நோக்கங்களை நிறைவேற்றும் வண்ணம், இந்தியா முழுவதும் தரமான சுகாதாரச் சேவைகள், மருத்துவக் கல்வி மற்றும் ஆராய்ச்சி வசதியில் உள்ள ஏற்றத்தாழ்வுகளைச் சரிசெய்ய அரசு நடவடிக்கை எடுக்கும்.

இந்தத் திட்டத்தில், புதிய எய்ம்ஸ் நிறுவனங்களை நிறுவுதல் மற்றும் தற்போதுள்ள அரசு மருத்துவக் கல்லூரிகளை மேம்படுத்துதல் ஆகியவற்றுக்காக ஐந்து கட்டங்களாகப் பரவிய 75 பணித்திட்டங்கள் அடங்கும்.

இந்தப் பணித்திட்டங்களின் நிலவரத்தைப் பொறுத்தவரை, வெவ்வேறு கட்டங்களின் கீழுள்ள சில பணித்திட்டங்கள் நிறைவடைந்துள்ளன, வேறு சிலதுக்கு பணிகள் நடைபெறுகின்றன.

ஆந்திரப் பிரதேசம் (1), குஜராத் (1), ஹரியானா (1),இமாச்சலப் பிரதேசம் (1), ஜம்முு & காஷ்மீர் (2), ஜார்கண்ட் (1), கர்நாடகா (1), கேரளா (1), மகாராஷ்டிரா (2), பஞ்சாப் (1), தமிழ்நாடு (2), தெலுங்கானா (1), உத்தரப் பிரதேசம் (3), மேற்கு வங்கம் (1) ஆகிய 14 மாநிலங்களில் கட்டம் I மற்றும் II-இன் கீழ் 19 ஜிஎம்சி பணித்திட்டங்கள் நிறைவு செய்யப்பட்டுள்ளன.

இவற்றுள், ஆந்திரப் பிரதேசம் (1), குஜராத் (1), மகாராஷ்டிரா (2) சார்ந்த ஜிஎம்சி பணித்திட்டங்களில் உபகரணங்கள் கொள்முதல் மட்டுமே அடங்கும்.

மூன்றாம் கட்டத் திட்டம் நாடு முழுவதும் பரவியுள்ளது, அதில் கர்நாடகாவின் பெல்லாரியில் உள்ள விஜயநகர் இன்ஸ்டிடியூட் ஆஃப் மெடிக்கல் சயின்சஸில் 149 படுக்கைகள் கொண்ட மருத்துவமனை (கட்டம் III ஜிஎம்சி-களில் குறைந்தபட்ச படுக்கை எண்ணிக்கை) அமைத்தலும், கோவாவின் பனாஜியில் உள்ள கோவா மருத்துவக் கல்லூரியில் 527 படுக்கைகள் கொண்ட மருத்துவமனை (கட்டம் III ஜிஎம்சி-களில் அதிகபட்ச படுக்கை எண்ணிக்கை) அமைத்தலும் அடங்கும், இவ்விரண்டு பணித்திட்டங்களும் வழிகாட்டல்களின்படி நிறைவடைந்துவிட்டன.

39 ஜிஎம்சி பணித்திட்டங்களின் பரவல் 36 பணித்திட்டங்கள் நிறைவடைந்துள்ளதைக் காட்டுகிறது, 3 பணித்திட்டங்கள் நடைபெறுகின்றன. நிறைவடைந்த 36 ஜிஎம்சி பணித்திட்டங்கள் ஆந்திரப் பிரதேசம் (2), அசாம் (2), கோவா (1), குஜராத் (1), இமாச்சலப் பிரதேசம் (1), ஜார்கண்ட் (1), கர்நாடகா (2), கேரளா (2), மத்தியப் பிரதேசம் (3), மகாராஷ்டிரா (4), ஒடிசா (1), பஞ்சாப் (1), ராஜஸ்தான் (3), தமிழ்நாடு (2), தெலுங்கானா (2), திரிபுரா (1), உத்தரப் பிரதேசம் (4), மேற்கு வங்கம் (3) ஆகிய மாநிலங்களில் அமைந்துள்ளன.

நடைபெறுகிற மூன்று ஜிஎம்சி பணித்திட்டங்கள் பீகார் (2) மற்றும் ஒடிசாவில் (1) இடம்பெற்றுள்ளன.

கட்டம் IV இன் கீழ் 13 ஜிஎம்சி பணித்திட்டங்கள் உள்ளன. இவற்றுள், உத்தரப் பிரதேசம் (1), குஜராத் (1), மத்தியப் பிரதேசம் (1), ராஜஸ்தான் (1), பீகார் (2) ஆகிய மாநிலங்களில் 6 ஜிஎம்சி பணித்திட்டங்கள் நிறைவடைந்துள்ளன.

மீதமுள்ள 7 ஜிஎம்சி பணித்திட்டங்கள் உத்தரப் பிரதேசம் (1), ஒடிசா (1), குஜராத் (1), பீகார் (1), சத்தீஸ்கர் (2), டெல்லி (1) ஆகிய இடங்களில் நடைபெறுகின்றன.

கட்டம் V (ஏ) இல், 2 ஜிஎம்சி-கள் தொடங்கப்பட்டு அவற்றின் நிலவரம் பின்வருமாறு:

எய்ம்ஸ் மருத்துவமனை ஒன்றுக்கு சுமார் ரூ.820 கோடி செலவை மத்திய அரசு ஏற்றுள்ளது, இதில் கட்டுமானத்திற்கு ரூ. 620 கோடி மற்றும் உபகரணங்களுக்கு ரூ.200 கோடி அடங்கும். ஜிஎம்சி பணித்திட்டத்துக்கான ரூ. 150 - 200 கோடி செலவில் ஒரு பகுதியை மாநிலங்கள் ஏற்றுள்ளன, அது ரூ. 30 - 80 கோடி, மீதத் தொகைக்கு மத்திய அரசு நிதியளிக்கிறது. பிஎம்எஸ்எஸ்ஒய் திட்டத்துக்குரிய ஆவணங்கள்