பாலிசிதாரர் இறந்த பிறகு, காப்பீடு நிறுவனத்திடம் இறப்பு கிளைம் படிவத்தைச் சமர்ப்பித்து, கிளைம் செய்பவர்/நியமனதாரர் இறப்பு கிளைம் செயல்முறையைத் தொடங்கலாம்.தேவையான படிவங்களுடன் அடையாள மற்றும் முகவரிச் சான்றுகளையும் நியமனதாரர் சமர்ப்பிக்க வேண்டும். சரிபார்ப்புக்கான தொடர்புடைய ஆவணங்களும் தேவை, இதில் அசல் இறப்புச் சான்றிதழும் அடங்கும். தேவையான அனைத்து ஆவணங்களும் பெறப்பட்டு, காப்பீட்டு நிறுவனம் அவற்றைச் சரிபார்த்தவுடன் கிளைம் செயலாக்கம் தொடங்குகிறது.

ஆயுள் காப்பீட்டு கிளைம் செயல்முறை சோர்வுறச் செய்வதாக இருக்கலாம், குறிப்பாக நாம் துக்கத்தில் இருக்கும் நேரத்தில். இருப்பினும், அந்தச் செயல்முறையைப் புரிந்துகொள்வது, அந்தச் சுமையை ஓரளவு குறைக்க உதவும். ஆயுள் காப்பீட்டு கிளைம் செயல்முறையை எவ்வாறு அணுகுவது என்பதை நீங்கள் அறிந்திருக்கும்போது, அது இன்னும் கையாளக்கூடியதாக மாறும். எனவே, கிளைமைச் சரியான முறையில் நீங்கள் எப்படித் தாக்கல் செய்யலாம் என்பதை ஆராய்வோம்.

ஆயுள் காப்பீட்டு கிளைம் செயல்முறையின் முதல் படி, அந்த துரதிர்ஷ்டவசமான நிகழ்வு குறித்து காப்பீட்டு நிறுவனத்திற்குத் தெரிவிப்பதாகும். இதை முடிந்தவரை விரைவில் செய்ய வேண்டும், பாலிசிதாரர் இறந்த ஒரு வாரத்திற்குள் செய்ய வேண்டும். பலன்களைப் பெற நியமிக்கப்பட்ட நபரான நியமனதாரர், காப்பீட்டு நிறுவனத்திற்கு எழுத்துப்பூர்வ அறிவிப்பை அனுப்ப வேண்டும். இந்த அறிவிப்பில் பாலிசி எண், காப்பீடு செய்யப்பட்டவரின் பெயர், இறந்த தேதி மற்றும் இடம் மற்றும் கிளைம் செய்பவரின் பெயர் போன்ற அத்தியாவசிய விவரங்கள் இருக்க வேண்டும்.

இந்தியாவில், பல காப்பீட்டு நிறுவனங்கள் இந்தத் தகவலைச் சமர்ப்பிக்க பல வழிகளை வழங்குகின்றன. நீங்கள் அருகிலுள்ள கிளைக்குச் செல்லலாம், அவர்களின் வாடிக்கையாளர் சேவையை அழைக்கலாம் அல்லது அவர்களின் வலைத்தளத்தைப் பயன்படுத்தி ஒரு கிளைம் தகவல் படிவத்தைப் பதிவிறக்கம் செய்யலாம். காப்பீட்டு நிறுவனத்திற்குத் தெரிவிக்கும்போது, அமைதியாக இருப்பதும் துல்லியமான தகவல்களை வழங்குவதும் மிக முக்கியம், ஏனெனில் இது செயல்முறையை விரைவுபடுத்தும். உதாரணமாக, எஸ்.பி.ஐ லைஃப் இன்சூரன்ஸ் நிறுவனம் விரைவாகவும் வசதியாகவும் இதைத் தொடங்க உங்களுக்கு உதவும் பல்வேறு டிஜிட்டல் கருவிகளை வழங்குகிறது.

ஆரம்ப அறிவிப்புக்குப் பிறகு, நிறுவனம் அடுத்த கட்ட நடவடிக்கைகளுக்கு உங்களை வழிநடத்தும், உங்கள் கிளைமைத் தொடர தேவையான அனைத்து தகவல்களும் உங்களிடம் இருப்பதை உறுதி செய்து கொள்ளுங்கள். உடனடி நடவடிக்கை எடுப்பது கிளைமை செட்டில் செய்ய எடுக்கும் நேரத்தைக் கணிசமாகக் குறைத்து, நீங்கள் மிகவும் முக்கியமான விஷயங்களில் கவனம் செலுத்த அனுமதிக்கும்.

ஆயுள் காப்பீட்டு கிளைம் செயல்முறையின் ஒரு பகுதியாக நீங்கள் தொடர்ச்சியான ஆவணங்களைச் சேகரித்து சமர்ப்பிக்க வேண்டும். ஒவ்வொரு காப்பீட்டு நிறுவனங்களைப் பொறுத்து இந்தத் தேவைகள் மாறுபடலாம், ஆனால் பொதுவாக நீங்கள் இறப்புச் சான்றிதழ், அசல் பாலிசி ஆவணம் மற்றும் உரிய முறையில் நிரப்பப்பட்ட கிளைம் படிவத்தை வழங்க வேண்டும். இந்த ஆவணங்கள் ஒவ்வொன்றும் ஒரு குறிப்பிட்ட நோக்கத்தைக் கொண்டுள்ளன மற்றும் உங்கள் கிளைமைச் செயலாக்குவதற்கு இன்றியமையாதவை.

காப்பீடு செய்யப்பட்டவரின் மரணத்தை உறுதிப்படுத்தும் இறப்புச் சான்றிதழ் மிக முக்கியமானது, அதே நேரத்தில் பாலிசி ஆவணத்தில் காப்பீட்டுத் தொகைகள் உள்ளிட்ட காப்பீட்டுத் திட்டம் தொடர்பான அனைத்து விவரங்களும் இருக்கும். பயனாளியின் அடையாளத்தைச் சரிபார்ப்பதற்காக அவரது அடையாளச் சான்று மற்றும் முகவரிச் சான்று போன்ற கே.ஒய்.சி (உங்கள் வாடிக்கையாளரை அறிந்து கொள்ளுங்கள்) ஆவணங்களைச் சேர்ப்பதும் நல்லது.

உங்கள் ஆவணங்களைத் துல்லியமாகப் பூர்த்தி செய்வது உங்கள் கிளைமைக் குறிப்பிடத்தக்க அளவு விரைவுபடுத்தும். ஏதேனும் ஆவணத்தைத் தவறவிட்டால் தேவையற்ற தாமதங்கள் ஏற்படலாம், மேலும் ஆயுள் காப்பீட்டு கிளைம் நிராகரிக்கப்படலாம். எனவே, காப்பீட்டு நிறுவனத்திடம் சமர்ப்பிக்கும் முன் உங்கள் ஆவணங்களை இருமுறை சரிபார்க்கவும். சமர்ப்பித்தவுடன், அவர்கள் உங்கள் கிளைமை மதிப்பாய்வு செய்து அடுத்த கட்ட நடவடிக்கைகளுக்குச் செல்வார்கள். ஏதேனும் தேவைகள் குறித்து உங்களுக்குத் தெரியாவிட்டால், உங்கள் காப்பீட்டு ஆலோசகரைத் தொடர்புகொள்வது தெளிவை அளிக்கும் என்பதை நினைவில் கொள்ளுங்கள்.

ஆயுள் காப்பீட்டு கிளைம் செயல்பாட்டில் கிளைம் படிவத்தைச் சரியாக நிரப்புவது அவசியமானது. காப்பீட்டு நிறுவனத்தால் வழங்கப்படும் கிளைம் படிவத்தில் பாலிசி எண், காப்பீடு செய்யப்பட்டவரின் பெயர், மரணத்தின் பின்னணி சூழ்நிலைகள் போன்ற குறிப்பிட்ட விவரங்களைத் தெரிவிக்க வேண்டும். ஏதேனும் தவறுகள் இருந்தால் செயலாக்கத்தில் சிக்கல்கள் அல்லது தாமதங்கள் ஏற்படக்கூடும் என்பதால், இந்தப் படிவத்தைக் கவனமாக நிரப்புவது நல்லது.

நீங்கள் கிளைம் படிவத்தை நிரப்பும்போது நேர்மையான மற்றும் முழுமையான தகவல்களை வழங்க வேண்டும். ஏதேனும் கூடுதல் ஆவணங்கள் அல்லது அறிக்கைகள் தேவைப்பட்டால் காப்பீட்டு நிறுவனம் தங்கள் தகவல்தொடர்புகளில் அவற்றைக் குறிப்பிடும். கூடுதலாக, படிவத்தில் சரியாக கையொப்பமிடுவது மிக முக்கியமானது, ஏனெனில் ஏதேனும் முரண்பாடுகள் இருந்தால் கூடுதல் சரிபார்ப்பு செயல்முறைகளுக்கு வழிவகுக்கும், இது கிளைம் செட்டில்மென்டிற்கான காலத்தை நீட்டிக்கும்.

நீங்கள் கிளைம் படிவத்தை நிரப்பியவுடன், உங்கள் மற்ற ஆவணங்களுடன் அதைச் சமர்ப்பிக்கும் முன்பாக அதை முழுமையாக மதிப்பாய்வு செய்யவும். உங்கள் பதிவுகளுக்காக அதன் ஒரு நகலை வைத்திருப்பதும் நன்மை பயக்கும். இந்த முறையில், பின்னர் ஏதேனும் கேள்விகள் அல்லது முரண்பாடுகள் ஏற்பட்டால் இது ஒரு குறிப்புப் புள்ளியாக இருக்கும்.

ஆயுள் காப்பீட்டு கிளைம் செயல்முறையின் ஒரு பகுதியாக, நீங்கள் வழங்க வேண்டிய மிக முக்கியமான ஆவணங்களில் ஒன்று காப்பீடு செய்யப்பட்டவரின் இறப்புச் சான்றிதழ் ஆகும். இறப்புச் சான்றிதழ் என்பது மரணத்திற்கான அதிகாரப்பூர்வ சான்றாகும், மேலும் இது பொதுவாக உள்ளாட்சி அரசாங்கள் அல்லது மருத்துவமனையால் வழங்கப்படுகிறது. இந்த ஆவணம் இல்லாமல், காப்பீட்டு நிறுவனத்தால் உங்கள் கோரிக்கையைச் செயல்படுத்த முடியாது.

இறப்புச் சான்றிதழைப் பெறும்போது, இறந்தவரின் முழுப் பெயர், பிறந்த தேதி, இறந்த தேதி மற்றும் இறப்பிற்கான காரணம் உள்ளிட்ட அனைத்துத் தேவையான விவரங்களும் அதில் உள்ளதா என்பதை உறுதிப்படுத்திக் கொள்ளுங்கள். சில சந்தர்ப்பங்களில், மரணம் விபத்து அல்லது நோயால் ஏற்பட்டிருந்தால், குறிப்பாக விபத்து மரணம் ஏற்பட்டால், பிரேத பரிசோதனை அறிக்கைகள் அல்லது எஃப்.ஆர்.கள் போன்ற கூடுதல் அறிக்கைகள் தேவைப்படலாம்.

இறப்புச் சான்றிதழைப் பெறுவதற்கு நேரம் எடுக்கலாம், எனவே விரைவாக அதற்கு விண்ணப்பிப்பது நல்லது. அதைப் பல நகல்கள் எடுத்து வைத்துக் கொள்ளுங்கள்; நீங்கள் அவற்றை வெவ்வேறு அதிகாரிகளிடம் சமர்ப்பிக்க வேண்டியிருக்கலாம். உங்கள் காப்பீட்டு நிறுவனம் அவர்களின் பதிவுகளுக்காக சான்றளிக்கப்பட்ட நகலையும் கோரலாம். இறப்புச் சான்றிதழ் தொடர்பாக ஏதேனும் குறிப்பிட்ட தேவைகள் உள்ளதா என்பதைச் சரிபார்க்க உங்கள் காப்பீட்டு நிறுவனத்தைத் தொடர்புகொள்வது நல்லது.

இப்போது நீங்கள் அத்தியாவசிய செயற்படிகளைக் கடந்துவிட்டீர்கள், ஆயுள் காப்பீட்டு கிளைம்களுக்கு எவ்வாறு பணம் செலுத்தப்படுகிறது என்று நீங்கள் யோசிக்கலாம். கிளைம்களை செட்டில் செய்வதற்கு பொதுவாக இரண்டு முக்கிய முறைகள் உள்ளன: மொத்த தொகையைச் செலுத்துதல் மற்றும் தவணைகள் மூலம் பணம் செலுத்துதல்.

பல சந்தர்ப்பங்களில், மொத்தத் தொகையே பொரும்பாலானோர் விரும்பும் செட்டில்மென்ட் முறையாகும். காப்பீட்டு நிறுவனம் உங்கள் கிளைமைச் செயலாக்கும்போது, அவர்கள் காப்பீட்டுத் தொகையை உடனடியாக செலுத்தலாம். இந்த முறை நேரடியானது மற்றும் பயனாளிகளுக்கு உடனடி நிதி நிவாரணத்தை வழங்குகிறது.இறுதிச் சடங்கு செலவுகள், நிலுவையில் உள்ள கடன்கள் அல்லது தற்போதைய வாழ்க்கைச் செலவுகள் போன்ற உடனடி செலவுகளை ஈடுகட்ட இந்தத் தொகையைப் பயன்படுத்தலாம்.

மொத்த தொகை பொதுவாக வரி இல்லாதது, இது ஒரு குறிப்பிடத்தக்க நன்மை. ஒரு முறை பேமெண்ட்டைப் பெறுவதில் உள்ள எளிமை, எதிர்கால பேமெண்ட்களைப் பற்றி கவலைப்படாமல் பயனாளிகள் தங்கள் நிதி நிலைமைகளை நிர்வகிக்கலாம். உதாரணமாக, காப்பீடு செய்யப்பட்டவர் ரூ. 50 லட்சத்திற்கு பாலிசி எடுத்திருந்தால், நியமனதாரர் முழுத் தொகையையும் ஒரே பரிவர்த்தனையில் பெறுவார், இதனால் அவர்களுக்கு உடனடியாக நிதி கிடைக்கும்.

இதற்கு மாற்றாக, சில பாலிசிகள் படிப்படியாக தவணைகளில் கிளைம் தொகையைப் பெற வாய்ப்பளிக்கலாம்.மொத்தத் தொகையை விட நிலையான குறிப்பிட்ட தொகையை விரும்புவோருக்கு இந்த விருப்பம் பயனளிக்கும். இந்த முறையில், காப்பீட்டு நிறுவனம் குறித்த கால இடைவெளிகளில் (எ.கா. மாதந்தோறும் அல்லது வருடந்தோறும்) கிளைம் தொகையின் ஒரு பகுதியைச் செலுத்துகிறது.

இந்த வகையான செட்டில்மென்ட் பயனாளிகள் தங்கள் நிதிகளை மிகவும் திறம்பட நிர்வகிக்க உதவும். உதாரணமாக, ஒரு பாலிசிதாரருக்கு 1 கோடி ரூபாய் இறப்புப் பலனுக்கு பாலிசி எடுத்திருந்தால், காப்பீட்டு நிறுவனம் ஒவ்வொரு ஆண்டும் 10 லட்சம் ரூபாய் என பத்து ஆண்டுகளுக்கு பணம் வழங்க முன்வரலாம். அத்தகைய ஏற்பாடு பயனாளிகளுக்கு தொடர்ச்சியான வருமான ஆதாரத்தை உறுதி செய்கிறது, இது குழந்தைகளின் கல்வி அல்லது அடமான பேமெண்ட்கள் போன்ற நீண்ட கால செலவுகளுக்கு பட்ஜெட் திட்டமிடுவதில் குறிப்பாக உதவியாக இருக்கும்.

உங்கள் காப்பீட்டு ஆலோசகருடனான பேச்சுவார்த்தைகள் தீர்வுக்கு வழிவகுக்கவில்லை என்றால், அடுத்த படியாக ஆயுள் காப்பீட்டு நிறுவனத்தின் கிளை அலுவலகத்தை நேரடியாகத் தொடர்பு கொள்ள வேண்டும். அவர்களின் பிரதிநிதியை நேரில் சந்திப்பது சில நேரங்களில் தீர்வு செயல்முறையை விரைவுபடுத்தலாம். உங்கள் ஆயுள் காப்பீட்டு கிளைம் நிராகரிப்பு கடிதம், பாலிசி ஆவணங்கள் மற்றும் பிற துணைத் தகவல்கள் உட்பட அனைத்து தொடர்புடைய ஆவணங்களையும் எடுத்து வர வேண்டும்.

உங்கள் காப்பீட்டு ஆலோசகரைத் தொடர்பு கொள்ளுங்கள்

அந்தந்த ஆயுள் காப்பீட்டு நிறுவனத்தின் கிளை அலுவலகத்தைத் தொடர்பு கொள்ளுங்கள்

அந்தந்த வாடிக்கையாளர் உதவி எண்ணைத் தொடர்பு கொள்ளுங்கள்