நிதித் திட்டத்தை அமைத்துக்கொள்ள 4 படிகள்

உங்கள் மன அமைதியையும் எதிர்காலத்தையும் உறுதிசெய்ய நிதித் திட்டம் அவசியம். அதில் உங்கள் எதிர்காலக் குறிக்கோள்கள் அனைத்தையும் பட்டியலிட்டு அவற்றை அடையத் தேவையான நிதியை கணக்கிட்டு ஒரு திட்டத்தை வகுக்க வேண்டும். அடுத்து, அவற்றை அடைவதற்கான நிதி வழிகளைத் திட்டமிட வேண்டும். இதில் சேமிப்பு, முதலீடு, நிதி நிர்வாகம் உள்ளிட்டவை அடங்கும். வெற்றிகரமான நிதித் திட்டத்துக்கு பல நடவடிக்கைகள் அவசியம். அவற்றில் சில-

'சேமித்த காசு சம்பாதித்த காசு போன்றது' என்று சொல்வார்கள், இது நூற்றுக்கு நூறு உண்மை. பணம் சேமிப்பது நீங்கள் வளர்த்துக்கொள்ள வேண்டிய மிக முக்கியமானதொரு பழக்கம். வயதாக ஆக, உங்கள் பொறுப்புகளும் கூடும். உங்கள் எதிர்கால இலக்குகளுக்கு மட்டுமின்றி, பிற மாற்றங்களினாலும் பணம் செலவழிக்கும் தேவை ஏற்படலாம். எனவே பணத்தைச் சேமிப்பது மிகவும் முக்கியம். ஒவ்வொரு மாதமும் உங்கள் சம்பளத்தில் 5-10% சேமிக்குமாறு நிபுணர்கள் பரிந்துரைக்கின்றனர்.

பணம் உங்கள் வங்கிக் கணக்கில் உறங்கிக் கிடப்பதால் பெரிதாகப் பலன் இல்லை. உங்கள் சேமிப்புக்கு வட்டி கிடைக்கும் என்றாலும், உங்கள் பணத்துக்கு வேலை கொடுங்கள். பல்வேறு சந்தை நிதிகளில் முதலீடு செய்வது பற்றி யோசியுங்கள். பல்வேறு கடன் சார்ந்த அல்லது பங்கு சார்ந்த சந்தை நிதிகளுள் ஒன்றில் முதலீடு செய்யலாம். கடன் சார்ந்த சந்தை நிதிகள் குறைந்த லாபமே தரும், ஆனால் சந்தைச் சரிவு ஏற்பட்டால் அதிக இழப்பைச் சந்திக்காமல் கூடுதல் பாதுகாப்பாக இருக்கும். பங்கு சார்ந்த சந்தை நிதிகள் அதிக இடர் கொண்டவை, இளைஞர்களுக்கும் துடிப்பானவர்களுக்கும் உகந்தவை. அவை கடன் சார்ந்த நிதிகளைக் காட்டிலும் அதிக லாபம் தரும், ஆனால் சந்தைச் சரிவு ஏற்பட்டால் அதிக இடருக்கு ஆளாகும். இயன்றளவு இடர்களைக் குறைத்து லாபத்தை அதிகரிக்க இருவகை நிதிகளும் அடங்கிய சமநிலை முதலீட்டை தேர்ந்தெடுங்கள். உங்கள் முதலீட்டுத் திட்டத்துக்கு உதவிசெய்து அதற்கு அதிகப் பலன் ஏற்படுத்திக் கொடுக்க ஒரு நிதித் திட்டமிடுபவரை அணுகுங்கள்.

உங்கள் ஓய்வு காலத்துக்குத் திட்டமிடுவது நிதித் திட்டத்தின் ஓர் அங்கம். நீங்கள் ஓய்வு பெற்ற பின், சார்ந்திருக்க எவ்வொரு வழக்கமான வருமானமும் இருக்காது. இதன் விளைவாக, மருத்துவச் செலவுகள், அன்றாடத் தேவைகள், இதர பொறுப்புகள் ஆகியவை உங்கள் சேமிப்பைக் கரைத்துவிடும். ஒரு திடமான ஓய்வுகாலத் திட்டம் மூலம், பணி ஓய்வுக்குப் பிந்தைய வாழ்க்கைக்கு மேலும் நன்றாகத் தயாராகிக் கொள்ளலாம். ஓர் ஓய்வுகாலத் திட்டம், உங்கள் ஒய்வு காலத்தில் வருமானம் இல்லாதபோது அதற்குப் பதிலாக தொடர் வருமானத்தை வழங்கும். இதன் மூலம், உங்கள் அன்றாடச் செலவுகளைச் சமாளிக்கலாம், மேலும் வாழ்க்கையின் இந்தக் கட்டத்தை இன்னும் வசதியாக ஆக்கிக்கொள்ளலாம்.

டெர்ம் லைஃப் இன்சூரன்ஸ், ஆயுள் காப்பீடு, சுகாதாரக் காப்பீடு ஆகியவை நிதித் திட்டத்துக்கு அவசியம். எவ்வொரு அசம்பாவிதச் சூழ்நிலையிலும் காப்பீடு உங்களுக்குப் பாதுகாப்பு அளிக்கும்.

முதலில் டெர்ம் இன்சூரன்ஸ் எடுக்குமாறு நிபுணர்கள் பரிந்துரைக்கின்றனர். டெர்ம் இன்சூரன்ஸ் ஒரு குறிப்பிட்ட காலத்திற்கு பாதுகாப்பு அளிக்கும், எனினும் அது விலை குறைவானது மற்றும் கணிசமான தொகையை வழங்கக் கூடியது. இந்தப் பாலிசி, ஆயுள் காப்பீட்டை புதிதாக எடுப்பவர்களுக்கு அல்லது குழந்தையின் திருமணம், கல்வி போன்ற குறுகிய கால இலக்குகளை உட்படுத்த விரும்புவோருக்கு பொருத்தமானது.

ஆயுள் காப்பீடு அவசியம். உங்களுக்கு ஏதாவது நேர்ந்தால், உங்கள் குடும்பத்தினர் பெரும் மன அழுத்தத்துக்கு ஆளாகுவார்கள். ஏதேனும் அடைக்காத கடன்கள் அல்லது பொறுப்புறுதிகள் இருப்பின், நிதி நெருக்கடியும் சேர்ந்துகொள்ளும். எனவே, நீங்கள் இல்லாதபோதும் உங்கள் குடும்பத்தின் எதிர்காலத்தைப் பாதுகாக்க ஆயுள் காப்பீடு வாங்குவது நல்லது.

சுகாதாரக் காப்பீடு- நீங்கள் எப்போது நோய்வாய்ப்பட்டு மருத்துவமனையில் சேர்க்கப்படுவீர் மற்றும் சிகிச்சை பெறுவீர் என்று சொல்ல முடியாது. இத்தகு சூழ்நிலைகளுக்கு நிதி ரீதியாகத் தயாராக, உங்களுக்கே ஒரு சுகாதாரக் காப்பீடு எடுப்பது நல்லது.