புற்றுநோய் தீவிரமானது, அது நோயாளியின் ஆரோக்கியத்தை படுமோசமாகப் பாதிக்கலாம், எனினும் எல்லாவிதப் புற்றுநோய்களும் மரணத்தை ஏற்படுத்துவதில்லை. இந்நோய் மரபியல் சார்ந்தது எனக் கூறப்படுகிறது. அதாவது, குடும்பத்தில் உள்ள முன்னோர்கள் யாருக்காவது ஒருவகைப் புற்றுநோய் இருந்திருந்தால், சந்ததிகளுக்கும் அது ஏற்பட வாய்ப்புள்ளது. மரபியல் காரணங்கள் ஒருபுறமிருக்க, நடைமுறையில் புற்றுநோய் யாருக்கு வேண்டுமானாலும் வரலாம், எனவே ஒரு புற்றுநோய்க் காப்பீட்டுத் திட்டம் எடுப்பது நல்லது. இதோ இந்தச் செயல்திட்டத்தை நீங்கள் பின்பற்றலாம்:

உடற்பயிற்சி புற்றுநோய்க்கு மருந்தல்ல என்றபோதிலும், அதற்கு நோய்த்தடுப்பு ஆற்றல் உண்டு. வாரந்தோறும் மிதமான முதல் தீவிரமான உடற்பயிற்சி உடல் திடத்தை மேம்படுத்தும், நோய்களை விலக்கி வைக்கும், நோய் எதிர்ப்பு சக்தியை அதிகரிக்கும் என்பன குறித்து எண்ணற்ற ஆராய்ச்சிகள் உள்ளன. அதிகத் திடமான உடல், புற்றுநோய் மற்றும் அதன் சிகிச்சைமுறைகளின் (எ.கா. கதிர்வீச்சு, மருந்துகள் மற்றும் கீமோதெரபி) எனவே குடும்பத்தில் புற்றுநோய் வரலாறு இருந்தால், உங்கள் அன்றாட வாழ்வில் உடற்பயிற்சியை சேர்த்துக்கொள்வது சிறந்தது.

புற்றுநோய்க்கான மரபியல் சாய்வு உள்ளவர்கள், எப்போதுமே புற்றுநோய் சார்ந்த அறிகுறிகள் குறித்து விழிப்பாக இருக்க வேண்டும். 30 வயதைத் தாண்டிய பெண்கள் வருடம் ஒரு முறையாவது மார்பக, கருப்பை மற்றும் கர்ப்பப்பைவாய் புற்றுநோய்க்கான (குறிப்பாக 40 வயதுக்குப் பிறகு) பரிசோதனை செய்துகொள்ள வேண்டும், அதேபோல் ஆண்கள் 40 வயதைத் தாண்டிய பின் புராஸ்டேட் மற்றும் பித்தப்பை புற்றுநோய்க்கான பரிசோதனை செய்துகொள்ள வேண்டும். முழுமையான நலப் பரிசோதனை மேற்கொள்வது, இயல்பற்ற தன்மைகளை வெளிப்படுத்தி முன்கூட்டியே எச்சரிக்கை வழங்கும். அதற்கேற்ப நீங்கள் தாமதிக்காமல் உரிய சிகிச்சையைத் தொடங்கலாம்.

பல சமயங்களில், முறையற்ற உணவும் சீரற்ற வாழ்க்கைமுறையும் புற்றுநோயை மோசமாக்கலாம். உணவுக்கும் புற்றுநோய்க்கும் இடையே நேரடித் தொடர்பு இன்னும் நிறுவப்படவில்லை என்றாலும், முறையற்ற உணவு நிச்சயமாக புற்றுநோய்க் காரணிகளை அதிகரிக்கலாம். உடல் பருமனுக்கும் புற்றுநோய்க்கும் இடையே கூட தொடர்பு இருக்கலாம். உப்பு மற்றும் பதப்படுத்திய சர்க்கரை குறைவாக உள்ள உணவை உட்கொள்வதும், தீட்டிய மாவு மற்றும் ட்ரான்ஸ் கொழுப்புகள் நிறைந்த உணவைத் தவிர்ப்பதும் எப்போதுமே நல்லது. உணவில் அனைத்து அத்தியாவசிய ஊட்டச்சத்துக்களும் நிறைந்திருக்க வேண்டும், மேலும் பருவகாலக் கனிகள், கிரீன் டீ ஆகியன மூலம் ஆன்ட்டி-ஆக்ஸிடன்ட்களையும் சேர்த்துக்கொள்ள வேண்டும். போதுமான ஓய்வும் தரமான உறக்கமும் நல்ல வாழ்க்கைமுறை பேணுவதில் இதர முக்கியக் காரணிகளாகும்.