வேலை தேடி சளைத்துவிட்டீர்களா? உங்களுக்கு ஏன் அடுத்தடுத்து மறுப்புக் கடிதங்களே வருகின்றன என்று யோசிக்கிறீர்களா?

சரியான கல்வித் தகுதி மட்டும் போதாது என்பதை உணர வேண்டும். உங்கள் கனவு வேலையைப் பெற உதவும் சில சோதிக்கப்பட்ட வேலை தேடல் குறிப்புகள் இதோ. இந்த வேலை தேடல் குறிப்புகள், உங்கள் அணுகுமுறையை மேம்படுத்தி வெற்றி வாய்ப்பை அதிகரிக்கும் வகையில் அமைந்துள்ளன.

நீங்கள் வேலை தேடத் தொடங்கும் முன், உங்கள் தேவைகளையும் தகுதிகளையும் தெரிந்துகொள்ள வேண்டும். இது ஒரு மிக முக்கியமான வேலை தேடல் குறிப்பு, மற்றும் வேலை தேடுவோருக்கு ஒரு சிறந்த ஆலோசனை. உங்கள் பலம், பலவீனம் ஆகியவற்றை இணங்காணுங்கள். உங்கள் தேவைகளை மற்றும் முன்னுரிமைகளை ஆராயுங்கள்- உங்களுக்குத் தேவை பணமா? அல்லது ஒன்றைக் கற்றுக்கொள்ள விரும்புகிறீர்களா? அல்லது பணிவாழ்வில் வளர்ச்சி வேண்டுமா? இதைத் தெளிவாகப் புரிந்துகொண்ட பின்பே, விண்ணப்பிக்கத் தொடங்குங்கள். இதன் மூலம், நீங்கள் தகுதி பெறாத அல்லது திருப்தி கொள்ளாத வேலையையே தேடிக் கொண்டிருக்க மாட்டீர்கள்.

வேலை கிடைக்க, நேர்காணலுக்குத் தயாராகுவது அவசியம். நேர்காணல் பல சுற்றுகளாக இருக்கலாம். நேர்காணல்களில் கேட்கப்படும் பொதுவான கேள்விகளைக் கண்டறிந்து பயிற்சி செய்யுங்கள். இவற்றை ஆன்லைனில் தேடலாம் அல்லது சகாக்களிடம் கேட்கலாம். ஒரு தெரிந்தவர், நண்பர் அல்லது நேர்காணல் பயிற்சியாளருடன் நேர்காணலுக்கு ஒத்திகை பாருங்கள். வேலை தேடுவோருக்கான இந்தக் குறிப்புகளுடன் முறையான தயாரிப்பும் சேர்ந்தால் உங்கள் வெற்றி வாய்ப்பு அதிகரிக்கும்.

உங்கள் வருங்கால நிறுவனம் உங்களிடம் எதை எதிர்பார்க்கிறது என்பதை அறிந்துகொள்ளுங்கள். முன்கூட்டியே அந்நிறுவனம் குறித்து அறிவது, வேலை தேடுவோருக்கு ஒரு தலைசிறந்த ஆலோசனை. அந்நிறுவனத்தின் அதிகாரப்பூர்வ வலைத்தளத்தைப் பாருங்கள், நிறுவனம் பற்றிய செய்திகளைத் தேடுங்கள், ஆன்லைனில் அந்நிறுவனம் பற்றிய ஊழியர்களின் கருத்தை கவனியுங்கள்.

உங்கள் சுயவிவரத்தையே உங்கள் நிறுவனத்தார் முதலில் பார்ப்பார்கள். பல சுயவிவரங்களில் தெளிவான சாதனைகளுக்குப் பதிலாக பொறுப்புகள் வலியுறுத்தப்பட்டிருக்கும். வேலை தேடுவோர் எல்லா நிறுவனங்களுக்கும் ஒரே விதமான சுயவிவரத்தை அனுப்புகிறார்கள். அந்தந்த வேலைக்கு ஏற்ப உங்கள் சுயவிவரத்தை சாதனை நோக்கில் அமைத்துக்கொள்வது ஒரு மிக முக்கியமான வேலை தேடல் குறிப்பு. உங்கள் தனித்துவத்தைக் காட்ட பணி விவரத்தில் உரிய சொற்களைப் பயன்படுத்துங்கள். உங்கள் சுயவிவரம் உங்கள் பலத்தை முன்னிறுத்த வேண்டும். உதாரணமாக, மூத்த வயதுள்ள வேலை தேடுபவர் கடந்த 10-15 ஆண்டு அனுபவத்தை முன்னிறுத்தி, கல்விப் பகுதியில் தேதிகளை நீக்கி, தனது தகவமைப்புத் திறனை குறிப்பிட்டுக் காட்ட வேண்டும்.

எப்படி நேரிலும் ஆன்லைனிலும் இணைப்புகளை ஏற்படுத்திக் கொள்வது, செல்வாக்குள்ள தொடர்புகளைப் பெறுவது என்பதை அறிவது அவசியம். உங்கள் தொடர்புகள் பணிச் சந்தையின் நிலவரம் குறித்து தகவலளித்து புதிய வேலையைத் தேடுவதற்கான குறிப்புகளைத் தருவார்கள். லின்க்டுஇன் தளத்தில் தொடர்புகொண்டு பரிந்துரைகளைக் கேளுங்கள், ஏனென்றால் பரிந்துரைக்கப்படும் விண்ணப்பதாரர்களுக்கு அந்த வேலை கிடைக்கும் வாய்ப்பு அதிகம்.

ஆன்லைனில் உங்கள் பலம், ஆர்வம் ஆகியவற்றை முன்னிறுத்தினால், நிறுவனங்கள் அதை எளிதாகப் பார்க்க முடியும். லின்க்டுஇன் தளத்தை முற்றிலும் சாதகமாக்கிக் கொள்ளுங்கள், பெரும்பாலான ஆளெடுப்பு மேலாளர்கள் அங்கு தான் வேலை தேடுவோரைத் தேடுகிறார்கள். நேர்காணலில் உங்கள் ஆற்றல்களை முன்னிறுத்த வேண்டும். உங்கள் சாதனைகள், புலமை, வேலையின் மீதான ஆர்வம் ஆகியவற்றைக் காட்டும் பல நேர்காணல் உரைகளை (ஸ்டார் வடிவில்) தயாரித்து வைத்துக்கொள்ளலாம். இது, மற்ற விண்ணப்பதாரர்களை முந்திச்செல்ல உதவும்.

அநேகமாக, ஒரு வேலை கிடைக்க எதிர்பார்த்ததை விட அதிகக் காலம் எடுக்கும். எனவே இதற்கு மனதைத் தயார்படுத்திக் கொண்டு பொறுமையாக இருக்க வேண்டும். உங்களுக்கு நீங்களே சுய கருணை காட்டுங்கள். உற்சாகம் இழக்காமல் இருக்க அவ்வப்போது உடற்பயிற்சி, தியானம், ஓய்வு போன்றவற்றில் ஈடுபடுங்கள். மநண்பர்கள், குடும்பத்தினர் அடங்கிய நல்லாதரவுச் சூழல் இதற்குப் பெரிதும் உதவும்.

புதிய வேலை தேடுவதற்கான இந்தக் குறிப்புகளுக்கு அப்பால், சாதக மனப்பான்மை மிகவும் முக்கியம், ஏனென்றால் சாதக மனப்பான்மையும் அனுபவமும் கொண்டவர்களுக்கே நிறுவனங்கள் முன்னுரிமை அளிப்பார்கள். முழுநேர வேலை கிடைக்கும் வாய்ப்பை அதிகரிக்க, நீங்களே முன்வந்து அனுபவமும் தொடர்புகளும் பெற்றுக்கொள்ள வேண்டும்.