కరోనావైరస్ కారణంగా విధించిన లాక్‌డౌన్ దేశమంతటా మెల్లిమెల్లిగా ఎత్తివేయబడుతోంది. దీనితో, కొన్ని కార్యాలయాలు తిరిగి పని ప్రారంభించాయి. కార్యాలయంలో ఉద్యోగులను ఏదైనా హాని నుండి రక్షించడానికి సంస్థలు అవసరమైన జాగ్రత్తలు తీసుకుంటున్నప్పటికీ, వ్యాధి బారిన పడతాయనే భయం అలాగే ఉంది. సంస్థలు తీసుకున్న ఈ చర్యలతో పాటు, లాక్‌డౌన్ తర్వాత పనిని తిరిగి ప్రారంభించేటప్పుడు మీరు కూడా సురక్షితంగా ఉండటానికి మీ వంతు కృషి చేయాలి. మీరు కార్యాలయం నుండి పని ప్రారంభించాలని ప్లాన్ చేస్తుంటే, మీరు పనిని తిరిగి ప్రారంభించినప్పుడు మిమ్మల్ని సురక్షితంగా ఉంచడంలో సహాయపడే కొన్ని చిట్కాలు ఇక్కడ ఉన్నాయి.

చురుకైన జాగ్రత్తలు తీసుకోవడం ద్వారా మాత్రమే మీరు వైరస్ బారిన పడకుండా సురక్షితంగా ఉండగలరు. పనికి బయలుదేరేటప్పుడు ఎల్లప్పుడూ మాస్క్‌నీ, గ్లౌజులనీ ధరించండి. వీలైతే, మీరు మాస్క్‌ని ఉపయోగించనప్పుడు దానిని తీసి దాచి ఉంచడానికి జిప్-లాక్ బ్యాగ్‌ను తీసుకెళ్లండి. మల్టిపుల్ డిస్పోజబుల్ మాస్క్‌లు, గ్లౌజులను తీసుకెళ్లడం మంచి ఎంపిక. మీ పీపీఎఫ్‌లను క్రమం తప్పకుండా భర్తీ చేస్తూ ఉండండి. అయితే, ఉపయోగించిన పీపీఎఫ్‌లను జాగ్రత్తగా పారేయాలని గుర్తుంచుకోండి.

మీ కార్యాలయానికి ప్రజా రవాణాలో లేదా ఇతరత్రా ప్రయాణించడం సురక్షితం కాకపోవచ్చు. వీలైతే ప్రైవేట్ వాహనాన్ని ఉపయోగించండి. మీరు ప్రజా రవాణాలో ప్రయాణిస్తుంటే లేదా షేర్ టాక్సీని ఉపయోగిస్తూ ఉంటే, మీ తోటి ప్రయాణీకులతో సామాజిక దూరాన్ని పాటించాలని నిర్ధారించుకోండి. ప్రయాణీకులు మరీ ఎక్కువగా ఉంటే, ఆ ప్రయాణాన్ని దాటవేసి, తర్వాతి వాహనం కోసం వేచి ఉండండి. మీ మాస్క్‌ని తొలగించవద్దు, అనవసరంగా తలుపు హ్యాండిళ్లనూ లేదా సీటును తాకవద్దు. మీ ఛార్జీని చెల్లించడానికి కాగితపు డబ్బును ఉపయోగించవద్దు, డిజిటల్ లావాదేవీలు చేయవద్దు; ఇది సురక్షితం.అలాగే, వీలైనంత వరకు, రద్దీ సమయాల్లో ప్రయాణించడం మానుకోండి.

మీ బ్యాగులో మంచి ఆల్కహాల్ ఆధారిత హ్యాండ్ శానిటైజర్ మరియు టిష్యూలను ఉంచుకోండి.  బస్సులు, రైళ్లు లేదా క్యాబ్‌లలోనైనా సరే- మీరు ఏదైనా బయటి ఉపరితలాన్ని తాకిన వెంటనే, మీ చేతులను శానిటైజ్ చేసుకోండి. లిఫ్ట్ బటన్లు, డోర్-హ్యాండిల్స్, బయోమెట్రిక్ సిస్టమ్ లేదా మీ సహోద్యోగి ల్యాప్‌టాప్ వంటి సాధారణంగా అందరూ తాకే స్థలాల్ని తాకకుండా ఉండండి.  మీ డెస్క్, మానిటర్, కీబోర్డ్, కార్యాలయంలో మీరు తరచుగా ఉపయోగించే ప్రతి వస్తువును శానిటైజ్ చేశారనీ నిర్ధారించుకోండి.  

మీరు పనిలో ఉన్నప్పుడు, మీరు ఎక్కువ సమయం జనంతో సన్నిహితంగా ఉంటారు.  అందువల్ల అన్ని సమయాల్లో మాస్క్ ధరించడం మంచిది.మీ సహోద్యోగుల నుండి కనీసం 6 అడుగుల దూరం ఉండేలా చూసుకోండి.కరచాలనాలు, కౌగిలింతలు లేదా వీపు మీద తట్టడం వంటి ఏదైనా శారీరక సంబంధం లేకుండా చూసుకోండి.  మీరు భారీ సమావేశాలు, మీటింగ్‌లకు దూరంగా ఉండాలి.  వ్యాపారం లేదా సమావేశాల కోసం ప్రయాణించడం కూడా ఖచ్చితంగా నిషేధించబడింది. ఫోన్ కాల్స్, వర్చువల్ కాన్ఫరెన్సింగ్, ఆన్‌లైన్ సమావేశాలకు కట్టుబడి ఉండండి.  

ఇంటి నుండి టిఫిన్ తీసుకెళ్లండి, దానిని మీ సహోద్యోగులతో పంచుకోవద్దు లేదా ఇతరుల లంచ్‌బాక్స్‌ల నుండి తినవద్దు.  అలాగే, బయటి నుండి లేదా మీ ఆఫీస్ క్యాంటీన్ నుంచి ఆహారాన్ని ఆర్డర్ చేయకండి.  అప్పుడప్పుడు భోజన విరామాలు ప్రోత్సహించబడతాయి.తినడానికి ముందు కనీసం 20 సెకన్ల పాటు మీ చేతులను సరిగ్గా కడుక్కోండి. తినేటప్పుడు టేబుల్స్ మరియు ఇతర ఉపరితలాలను తాకవద్దు. ఆఫీస్ క్యాంటీన్ నుండి వచ్చే వాటిని ఉపయోగించడం కంటే మీ స్పూన్లు మరియు కత్తులు తీసుకురావడం కూడా మంచిది. 

మీరు పని నుండి తిరిగి వచ్చినప్పుడు, నేరుగా బాత్రూమ్‌కు వెళ్లి స్నానం చేయండి లేదా కనీసం 20 సెకన్ల పాటు మీ చేతులు, కాళ్ళను కడుక్కోండి. మీరు శుభ్రం చేసుకునేటప్పుడు మంచి క్రిమిసంహారక సబ్బును ఉపయోగించండి. మీ బ్యాగ్ లేదా బ్రీఫ్‌కేస్, మొబైల్, కీలు, వాలెట్, బెల్ట్, మీరు క్రమం తప్పకుండా ఉపయోగించే ప్రతిదాన్ని ప్రతిరోజూ శక్తివంతమైన క్రిమిసంహారక మందుతో శుభ్రపరచండి. మీ వస్తువుల నుండి ఇంట్లోని ఉపరితలాలకు వైరస్ వ్యాప్తి చెందకుండా, మీ కుటుంబాన్ని ప్రభావితం చేసే ప్రమాదం లేదని నిర్ధారించుకోవడానికి ఈ చర్యలను క్రమం తప్పకుండా అనుసరించండి. 

పనిని తిరిగి ప్రారంభించడానికి ఈ భద్రతా చిట్కాలు ప్రభావవంతంగా ఉన్నప్పటికీ, మీరు వీటిని మతపరంగా పాటించాలనీ, వీలైనంత వరకు ఇతరులతో సంబంధాన్ని నివారించాలనీ తెలుసుకోండి. మీకు ఆప్షన్ ఉంటే, ఇంటి నుండి పని చేయడానికి ఇష్టపడండి, ఎందుకంటే మీరు ఇతరులకు తక్కువ ఎక్స్‌పోజర్ కలిగి ఉంటే, మీకు కరోనావైరస్ సంక్రమించే ప్రమాదం తక్కువగా ఉంటుంది.