मूल होणे ही एक मोठी जबाबदारी आहे. त्यासाठी तुम्ही भावनिकदृष्ट्या तयार असले पाहिजे. जेव्हा तुम्ही मुलांसाठी आर्थिक नियोजनाचा विचार करता, तेव्हा तुमच्या मनात प्रश्न येतो, की तुमच्या मुलाच्या शिक्षणाचे आणि लग्नाचे नियोजन कसे करावे. पण मुलांसाठी आर्थिक नियोजनात त्याहूनही बरेच काही समाविष्ट आहे. फक्त बचत खाते किंवा बाल योजना असणे पुरेसे नाही. प्रत्येक टप्प्यावर सज्ज असणे, हीच तुमच्या मुलाच्या भविष्याचे योग्य नियोजन करण्याची गुरुकिल्ली आहे. आम्ही तुम्हाला काही सूचना देतो-

जेव्हा तुम्ही तुमच्या मुलासाठी आर्थिक नियोजन सुरू करता, तेव्हा तुम्ही सर्वप्रथम त्याच्यासाठी गुंतवणूक करण्याचा विचार केला पाहिजे. तुम्ही प्रत्यक्ष तिथे नसतानाही, तुम्हाला तिथे उपस्थित राहता आले पाहिजे. तुम्ही विमा पॉलिसीपासून सुरुवात करू शकता. तुमच्या मुलाचे शिक्षण किंवा विवाह यांसारखी नजीकच्या काळातील उद्दिष्टे पूर्ण करण्यासाठी तुम्ही टर्म जीवन विम्याची निवड करू शकता किंवा तुमच्या अनुपस्थितीतही तुमच्या मुलाला आर्थिक सुरक्षा मिळेल, अशी एखादी जीवन विमा पॉलिसी तुम्ही घेऊ शकता. तुम्हाला आरोग्य विमा योजनाही निवडणे आवश्यक आहे. पर्यायापेक्षा, ती एक आवश्यकता बनली आहे. आरोग्य समस्या कोणत्याही पूर्वसूचनेशिवाय येऊ शकतात. म्हणूनच, कोणत्याही संभाव्य परिस्थितीसाठी आधीच सज्ज राहणे श्रेयस्कर आहे. तुमच्या मुलाचे भविष्य सुरक्षित करण्यासाठी चाइल्ड प्लॅनदेखील अत्यंत उपयुक्त ठरू शकतो.

आर्थिक नियोजनाचा हा कदाचित सर्वात महत्त्वाचा पैलू आहे, ज्याकडे पालक दुर्लक्ष करतात. महागाईमुळे सर्वच गोष्टींच्या किमती वाढत आहेत. उदाहरणार्थ, तुमचे मूल मोठे होईल तेव्हा विद्यापीठाचे शुल्क आजच्याइतकेच असेल असे नाही. त्यामुळे, तुम्हाला तुमच्या मुलाच्या शिक्षणासाठी निधीचे नियोजन कसे करावे, असा प्रश्न पडला असेल, तर तुम्हाला या गोष्टीचाही विचार करावा लागेल. विमा पॉलिसी किंवा बाल योजना निवडतानाही हेच सत्य लागू पडते. वाढत्या किमती लक्षात घेऊन, तुम्हाला विमा रकमेची निवड करणे आवश्यक आहे. म्हणूनच, सुमारे १०% वार्षिक महागाईचा विचार करण्याचा तज्ज्ञ सल्ला देतात.

मुलांचे अनेक अल्पकालीन आणि दीर्घकालीन दोन्हीही खर्च असतात. दीर्घकालीन खर्चांमध्ये उच्च शिक्षण किंवा लग्न यांचा समावेश आहे. तुम्ही लवकर सुरुवात करत असाल, तर तुम्ही इक्विटी फंडमध्ये गुंतवणूक करून पुरेसे पैसे वाचवू शकता. तथापि, तुमच्याकडे इतर जबाबदाऱ्या असतील, तर तुम्ही कर्ज आणि इक्विटीचा समावेश असलेला संतुलित गुंतवणूक पोर्टफोलिओ निवडू शकता. तुम्हाला जोखीम-मुक्त उत्पादन हवे असेल, तर तुम्ही पीपीएफ योजनादेखील पाहू शकता. तथापि, तुम्हाला शाळा आणि कोचिंग फी, आणि मनोरंजन आणि इतर खर्च यासारख्या अल्पकालीन खर्चासाठी वेगळी व्यवस्था करावी लागेल. यापैकी कोणत्याही खर्चाची पूर्तता करण्यासाठी तुमच्या दीर्घकालीन बचतीमध्ये जाऊ नका.

तुमच्या मुलांसाठी नियोजन करताना स्वतःच्या ध्येयांकडे दुर्लक्ष करू नका. बरेच पालक त्यांच्या निवृत्तीचे नियोजन न करता त्यांची संपूर्ण बचत त्यांच्या मुलांसाठी वापरतात. घर, कार खरेदी करणे, प्रवास करणे इत्यादी खर्चदेखील असू शकतात, ज्यासाठी तुम्हाला वेगळे नियोजन करावे लागेल. तुमच्या निवृत्ती बचतीचा वापर तुमच्या मुलांच्या खर्चासाठी करू नका. यासाठी तुमच्याकडे एक स्वतंत्र चाइल्ड प्लॅन असायला हवी.

अखेरीस, महत्त्वाची गोष्ट म्हणजे बचत, सिद्ध कामगिरी असलेल्या फंडांमध्ये गुंतवणूक, काटकसरीने खर्च आणि योग्य नियोजन. हे तुम्हाला तुमच्या मुलाचे भविष्य चांगल्या पद्धतीने नियोजन करण्यास मदत करेलच, शिवाय तुमच्या मुलांसाठी एक चांगला आदर्शदेखील निर्माण करेल.