एसबीआय लाईफचे विमा हप्ते भरण्यासाठी ऑनलाइन आणि ऑफलाइन असे असंख्य पर्याय उपलब्ध आहेत. मात्र, इंटरनेटमुळे सर्व काही सहज उपलब्ध झाल्याने, विमा हप्ते भरणे अधिकच सोयीचे झाले आहे. तुम्हाला आता तुमच्या बँकेत किंवा विमा कार्यालयात जाण्याची गरज नाही; तुम्ही काही क्लिक्समध्ये तुमचे हप्ते ऑनलाइन भरू शकता. विमा हप्ता ऑनलाइन कसा भरायचा, हे आम्ही तुम्हाला सांगत आहोत.

१. इंटरनेट बँकिंग- विमा हप्ता ऑनलाइन भरण्यासाठी नेटबँकिंग हा एक उत्तम मार्ग आहे. जर तुमचे एसबीआय (SBI) किंवा तिच्या कोणत्याही भागीदार बँकेत खाते असेल, तर तुम्ही खालील पायऱ्यांचा वापर करून इंटरनेट बँकिंगद्वारे तुमचा विमा हप्ता भरू शकता.

1. SBI Life ला तुमचे बिलर म्हणून जोडा
2. तुमचा पॉलिसी क्रमांक आणि वैयक्तिक तपशील द्या.
3. तपशिलांची पडताळणी केली जाईल आणि ही सेवा तुमच्या खात्यावर सक्रिय केली जाईल.
4. आता तुम्ही तुमचे प्रीमियम बिल देय तारखेसह पाहू शकता. तुम्ही त्वरित पैसे भरण्याचा पर्याय निवडू शकता किंवा इंटरनेट बँकिंगद्वारे प्रीमियम भरण्याचे वेळापत्रक ठरवू शकता.

२. एसबीआय लाइफ वेबसाइट - तुम्ही एसबीआय लाइफ वेबसाइटद्वारे विम्याचा हप्ता सहजपणे ऑनलाइन भरू शकता.

1. वेबसाइटला भेट द्या आणि तुमचे प्रीमियम ऑनलाइन भरण्यासाठी पर्याय निवडा.
2. तुमचा पॉलिसी क्रमांक आणि वैयक्तिक तपशील प्रविष्ट करा
3. एकदा तुम्ही तुमचा तपशील सादर करून त्याची पडताळणी झाल्यावर, तुम्ही तुमच्यासाठी सर्वात सोयीस्कर असलेला पेमेंटचा प्रकार निवडून पैसे भरू शकता.

३. व्हिसा क्रेडिट कार्ड - तुमचा विमा हप्ता ऑनलाइन भरण्याचा हा बहुधा सर्वात जलद मार्ग आहे.

1. तुम्हाला visabillpay.com वर स्वतःची नोंदणी करावी लागेल.
2. SBI Life ला तुमचे बिलर म्हणून जोडा
3. पॉलिसीचा तपशील द्या
4. पडताळणीनंतर, तुम्ही तुमच्या क्रेडिट कार्डद्वारे तुमचे विमा हप्ते ऑनलाइन पाहू आणि भरू शकता.

तुम्ही तुमच्या क्रेडिट कार्डवर स्वयंचलित बिल भरण्यासाठी स्थायी सूचना (standing instruction) देखील देऊ शकता. हे फक्त व्हिसा (VISA) आणि मास्टरकार्ड (MasterCard) साठीच लागू होईल. याची प्रक्रिया खालीलप्रमाणे आहे.

1. तुमचे पेमेंट गेटवे म्हणून बिलडेस्क निवडा
2. 'क्रेडिट कार्डद्वारे पैसे भरा' हा पर्याय निवडा
3. 'एक वेळचे पेमेंट + स्थायी सूचना' यावर क्लिक करा.
4. स्थायी सूचना सक्रिय होण्यासाठी सुमारे ३-४ कामकाजाचे दिवस लागतील. पुढील प्रीमियमच्या तारखेपासून तुमच्या क्रेडिट कार्डवर थेट बिल आकारले जाईल.

४. मोबाईल ॲप- मोबाईल ॲप्लिकेशनद्वारे तुमच्या एसबीआय लाईफ विम्याचे हप्ते ऑनलाईन भरण्याचा एक सोपा पर्याय देखील उपलब्ध आहे.

1. आपल्या मोबाईलसाठी एसबीआय लाईफ इझी ॲक्सेस ॲप्लिकेशन डाउनलोड करा.
2. नोंदणी केल्यानंतर, 'नूतनीकरण प्रीमियम पेमेंट पर्याया'वर क्लिक करा.
3. तुमचा पॉलिसी क्रमांक आणि विचारण्यात येणारी वैयक्तिक माहिती भरा.
4. पेमेंटचा प्रकार निवडा आणि पेमेंट करा.

५. मोबाईल वॉलेट्स - तुम्ही एसबीआय बडी, जिओ मनी वॉलेट किंवा पेटीएम सारख्या काही लोकप्रिय वॉलेट्सचा वापर करून एसबीआय लाईफ विम्याचे हप्ते ऑनलाइन भरू शकता. विम्याचे हप्ते भरण्याची प्रक्रिया या सर्व ॲप्सवर जवळपास सारखीच आहे.

1. समर्थित मोबाइल वॉलेटपैकी कोणतेही एक डाउनलोड करा.
2. तुम्ही अद्याप प्रोफाइल तयार केले नसेल तर ते तयार करा.
3. विमा हप्ता भरण्यासाठी पर्याय निवडा
4. एसबीआय लाइफ इन्शुरन्स निवडा
5. तुमचा पॉलिसी क्रमांक आणि वैयक्तिक तपशील प्रविष्ट करा
6. पडताळणीनंतर, तुमचे वॉलेट ज्या पेमेंट पद्धतीला सपोर्ट करते, त्याद्वारे तुम्ही तुमच्या विम्याचा हप्ता ऑनलाइन भरू शकाल.

तुमचा विमा हप्ता ऑनलाइन भरण्यापूर्वी , तुम्ही अचूक माहिती भरली आहे याची नेहमी खात्री करा. तसेच, कोणताही गोंधळ टाळण्यासाठी, पैसे भरण्यापूर्वी तुमच्या हप्त्याच्या बिलातील सर्व शुल्कांची पडताळणी करा.