कोरोनाव्हायरसचा तुमच्या जीवन विम्यावर कसा परिणाम होईल

कोविड-१९ महामारीने वित्तीय बाजारांमध्ये हाहाकार माजवला असून, सर्व आर्थिक व्यवहार ठप्प झाले आहेत. वाढलेल्या आरोग्यविषयक जोखमी आणि मृत्यू दाव्यांमुळे जीवन विमा क्षेत्रावरही परिणाम झाला आहे. मुदत विमा पॉलिसींमध्ये कोविड-१९ सारख्या आजाराचा कधीही समावेश केला गेला नसल्यामुळे, या महामारीचा जीवन विमा क्षेत्रावर काय परिणाम होईल याबद्दल अनेक तर्कवितर्क लावले जात आहेत.

तुमच्यावर एखादी दुर्दैवी घटना ओढवल्यास, तुमच्या अवलंबितांना आणि प्रियजनांना सुरक्षा प्रदान करणे हे जीवन विम्याचे मुख्य कार्य आहे. तथापि, कोरोना विषाणूमुळे होणारा मृत्यू जीवन विम्याच्या अंतर्गत येतो की नाही, याबद्दल बरीच अटकळ आहे. आम्ही येथे काही सर्वाधिक विचारल्या जाणाऱ्या प्रश्नांची उत्तरे देत आहोत.

हे लक्षात घेणे महत्त्वाचे आहे की, काही मृत्यूंची प्रकरणे जीवन विम्याच्या अंतर्गत येत नाहीत, जसे की आधीपासून असलेल्या आरोग्य स्थितीमुळे झालेला मृत्यू आणि मद्यपानामुळे झालेला मृत्यू. जर पॉलिसीधारकाचा मृत्यू निर्दिष्ट श्रेणींमध्ये येत असेल, तर विमा कंपनी विम्याचा दावा नाकारेल आणि नामनिर्देशित व्यक्तींना जीवन विमा पॉलिसीचे लाभ नाकारले जातील. तथापि, कोरोना विषाणू 'आधीपासून असलेली आरोग्य स्थिती' या संज्ञेअंतर्गत येत नाही. जर विद्यमान जीवन विमा पॉलिसीधारकाचा कोरोना विषाणूमुळे मृत्यू झाला, तर लाभार्थी किंवा नामनिर्देशित व्यक्ती मृत्यू लाभासाठी पात्र असतील. वैध जीवन विमा दावा दाखल केल्यावर नामनिर्देशित व्यक्तीला जीवन विमा किंवा मुदत विमा लाभ रीतसर दिला जाईल. अशाप्रकारे, विद्यमान जीवन विमा पॉलिसीधारकांचे नामनिर्देशित व्यक्ती जीवन विम्याचे सर्व लाभ घेऊ शकतात. तथापि, हे लक्षात ठेवले पाहिजे की जीवन विम्याच्या बाबतीत, पॉलिसीची मुदत संपलेली नसावी आणि कोरोना विषाणूमुळे झालेला मृत्यू त्या मुदतीच्या आत झालेला असावा. तरच नामनिर्देशित व्यक्तींना जीवन विमा पॉलिसीचे लाभ दिले जाऊ शकतात.

याशिवाय, जीवन विमा योजनेमध्ये गंभीर आजार लाभ रायडर हा पर्यायही उपलब्ध असतो; यानुसार, पॉलिसीधारकाचा मृत्यू एखाद्या गंभीर आजारामुळे झाल्यास, नामनिर्देशित व्यक्तींना नमूद केलेली अतिरिक्त रक्कम मिळते. सध्याच्या परिस्थितीच्या संदर्भात, कोरोनाव्हायरसचाही या श्रेणीत समावेश व्हायला हवा. परिणामी, कोरोनाव्हायरसमुळे मृत्यू झाल्यास, मृत पॉलिसीधारकाच्या नामनिर्देशित व्यक्तीला डेथ बेनिफीटसोबतच ॲड-ऑन्स देखील मिळतील.

या साथीच्या आजाराच्या काळात खरेदी करण्यात आलेली विमा पॉलिसी कोविड-१९ साठी संरक्षण देईल की नाही, याविषयीही शंका उपस्थित होत आहेत. विमा कंपन्यांकडून प्रीमियमची रक्कम निश्चित करण्यासाठी आणि जोखमीचे मूल्यांकन करण्यासाठी वय, लिंग, वैद्यकीय नोंदी आणि व्यवसाय यांसारख्या घटकांचा विचार केला जातो. अर्जदाराला कोरोनाव्हायरसचा संसर्ग होण्याचा धोका कमी किंवा कोणताही नाही असे वाटल्यास, विमा कंपनी विमा अर्ज मंजूर करू शकते. मात्र, एखाद्या व्यक्तीला आधीच संसर्ग झाला असल्यास, विमा कंपनी अर्ज नाकारेल.

या जागतिक संकटाने एक गोष्ट स्पष्ट केली आहे, आणि ती म्हणजे— जीवन विमा पॉलिसी खरेदी करण्याची दूरदृष्टी बाळगणे आणि कोणत्याही अनपेक्षित व दुर्दैवी घटनेपासून आपल्या कुटुंबाला सुरक्षित करणे. . जीवन विम्याचे फायदे, हे, त्यासाठी भरावे लागणाऱ्या प्रीमियमच्या रकमेपेक्षा कितीतरी पटीने अधिक असतात.