एसबीआय लाईफचे फायदे - पूर्ण सुरक्षा क्रिटीकल इलनेस विमा

या अनिश्चित काळात, स्वतःची आणि आपल्या कुटुंबाची काळजी घेणे अधिकच महत्त्वाचे झाले आहे. जसजसे तुमचे वय वाढते, तसतसे तुम्हाला विविध आरोग्य समस्या होण्याची शक्यता वाढते. त्यामुळे आरोग्य विमा पॉलिसी असणे आवश्यक आहे. परंतु, जेव्हा तुम्हाला एखादा गंभीर आजार किंवा गंभीर गुंतागुंत झाल्याचे निदान होते, ज्यासाठी तज्ञ वैद्यकीय सेवा आणि प्रगत उपचारांची आवश्यकता असू शकते, तेव्हा ही पॉलिसी मर्यादित मदत करते. तसेच, तुमच्या अनुपस्थितीत तुमच्या कुटुंबाचे काय होईल याचा तुम्ही विचार केला आहे का? एसबीआय लाइफ तुमच्या सर्व समस्यांवर एक परिपूर्ण उपाय घेऊन आले आहे — एसबीआय लाइफ - पूर्ण सुरक्षा, एक वैयक्तिक, नॉन-लिंक्ड, नॉन-पार्टिसिपेटिंग, जीवन विमा शुद्ध जोखीम प्रीमियम उत्पादन, ज्यामध्ये गंभीर आजारांसाठी अंगभूत पॉलिसी आहे. ही एक टर्म योजना आहे जी तुम्हाला गंभीर आजारांसाठी अंगभूत संरक्षण देते. या योजनेबद्दल आणि ती तुमच्यासाठी योग्य का आहे याबद्दल खाली अधिक जाणून घ्या.

एसबीआय लाईफने 'एसबीआय लाईफ - पूर्ण सुरक्षा' नावाची एक सर्वसमावेशक संरक्षण योजना सादर केली आहे, जी तुम्हाला एकाच योजनेत जीवन विमा आणि गंभीर आजारांसाठी संरक्षण देते. ही योजना एकाच गंभीर आजार विमा पॉलिसीमध्ये जीवन विमा आणि हृदयविकारांपासून ते कर्करोगापर्यंतच्या ३६ गंभीर आजारांपासून संरक्षण देऊन तुमची सोय आणि सुविधा वाढवते. तितकीच वैशिष्ट्यपूर्ण आणि बहुपयोगी असलेली ही योजना सर्व वयोगटातील लोकांसाठी योग्य आहे. 'एसबीआय लाईफ - पूर्ण सुरक्षा' संरक्षण तुमच्यासाठी परिपूर्ण का आहे, ते खालीलप्रमाणे:

एसबीआय लाईफ - पूर्ण सुरक्षा योजनेमध्ये जीवन विमा आणि क्रिटीकल इलनेस संरक्षणाचे दुहेरी फायदे मिळतात. विमा पॉलिसीमधील विम्याची रक्कम (पॉलिसी सुरू करताना) जीवन विमा संरक्षण आणि गंभीर आजार संरक्षण यामध्ये ८०:२० या प्रमाणात विभागलेली असते, जी तुमच्या वयानुसार आपोआप पुनर्संतुलित होते.

तुमच्या निधनाच्या बाबतीत, तुमच्या नामनिर्देशित व्यक्तीला प्रभावी* मृत्यू लाभ विमा रक्कम मिळेल. जर तुम्हाला योजनेअंतर्गत समाविष्ट असलेल्या कोणत्याही आजाराचे निदान झाले, तर तुम्ही गंभीर आजार योजनेच्या लाभाचा फायदा घेऊ शकता.

प्रभावी मृत्यू लाभ: विमा रक्कम म्हणजे ज्या पॉलिसी वर्षात मृत्यू झाला आहे, त्या पॉलिसी वर्षासाठी विमाधारकाच्या मृत्यूनंतर देय असलेली विमा रक्कम.

एसबीआय लाईफ - पूर्ण सुरक्षा योजनेअंतर्गत, वर्षानुवर्षे क्रिटीकल इलनेसच्या या संरक्षणात प्रमाणानुसार वाढ दिली जाते. गंभीर आजार योजनेच्या मुदतीनुसार सीआय कव्हर वाढेल आणि प्रीमियममध्ये कोणताही बदल न होता जीवन विमा संरक्षण त्याच रकमेने कमी होईल. बाजारातील महागाई आणि वैद्यकीय उपचारांचा वाढता खर्च यांचा सामना करण्यासाठी हे विचारपूर्वक केलेले वैशिष्ट्य उपयोगी पडते.

जर तुम्ही जीवघेण्या आजाराने त्रस्त असाल तर तुम्ही काम करू शकणार नाही. त्यामुळे उत्पन्नाचे नुकसान होऊ शकते. याचा मोठा फटका बसू शकतो, विशेषतः जर तुम्ही तुमच्या कुटुंबातील एकमेव कमावते सदस्य असाल. डब्ल्यूओपी (विमा हप्ता माफी) लाभ तुम्हाला या कठीण काळात मदत करतो. विमा संरक्षणामध्ये समाविष्ट असलेल्या कोणत्याही गंभीर आजाराचे निदान झाल्यास, तुम्हाला भविष्यातील सर्व हप्ते भरण्यापासून सूट दिली जाईल आणि क्रिटीकल इलनेस विमा पॉलिसीचे उर्वरित लाभ पॉलिसीच्या संपूर्ण मुदतीपर्यंत सुरू राहतील.

एसबीआय लाईफ - पूर्ण सुरक्षा 'फ्री लुक' पर्याय देते. हा योजनेचा चाचणी कालावधी आहे. तुम्ही गंभीर आजार विमा पॉलिसी खरेदी करू शकता आणि पहिल्या १५ दिवसांच्या आत कारण नमूद करणारे पत्र देऊन ती रद्द करू शकता. कंपनी, लागू असलेले शुल्क आणि कर वजा करून, योजनेसाठी भरलेला कोणताही प्रीमियम परत करेल.

अधिक माहितीसाठी कृपया माहितीपत्रक पहा.

ही योजना तुम्हाला वार्षिक आणि सहामाही हप्त्यांसाठी, देय तारखेपासून ३० दिवसांचा सवलतीचा कालावधी देते. मासिक हप्त्यांसाठी सवलतीचा कालावधी १५ दिवसांचा आहे. सवलतीच्या कालावधीत पॉलिसी चालू मानली जाईल. कोणत्याही कारणामुळे तुम्ही देय तारखेला हप्ता भरायला विसरल्यास, हा सवलतीचा कालावधी खूप फायदेशीर ठरतो.

एसबीआय लाईफ - पूर्ण सुरक्षा हे एक परिपूर्ण पॅकेज असून, जीवन विमा आणि गंभीर आजारांसाठी संरक्षण शोधणाऱ्यांसाठी ते अगदी योग्य आहे. एसबीआय लाईफ - पूर्ण सुरक्षा योजनेत अनेक वैशिष्ट्ये आहेत, ज्यामुळे ती अधिकच आकर्षक ठरते. ही भारतातील सर्वात विश्वसनीय गंभीर आजार विमा योजनांपैकी एक आहे. यासोबतच, यात सामील होण्याची प्रक्रियाही सोपी आहे, आणि म्हणूनच ही योजना तुमच्यासाठी योग्य का आहे हे तुमच्या लक्षात येईल!

जोखमीचे घटक, अटी व शर्ती यांबद्दल अधिक तपशिलासाठी, कृपया विक्रीचा व्यवहार पूर्ण करण्यापूर्वी विक्री माहितीपत्रक काळजीपूर्वक वाचा.