प्रोस्टेट कर्करोग: लक्षणे, कर्करोग विमा संरक्षण आणि बरेच काही

प्रोस्टेट कर्करोग हा मुख्यतः ४० वर्षांपेक्षा जास्त वयाच्या पुरुषांना होतो. कोणतीही लक्षणे किंवा चिन्हे दिसून न येण्याची शक्यता असते, किंवा ती उशिरा दिसू शकतात. म्हणूनच, या घातक आजाराबद्दल जागरूक असणे अत्यंत महत्वाचे आहे जेणेकरून त्याचे लवकर निदान करता येईल आणि त्यावर उपचार करता येतील. प्रोस्टेट कर्करोगाबद्दल अधिक जाणून घेण्यासाठी पुढे वाचा.

वृद्धापकाळामुळे, पुरुषांमध्ये प्रोस्टेट ग्रंथी वाढू शकते. या स्थितीला प्रोस्टेट कर्करोगाशी गोंधळून जाऊ नये. तुम्हाला वर नमूद केलेली कोणतीही लक्षणे आढळल्यास, ताबडतोब स्वतःची तपासणी करून घ्या.

प्रोस्टेट कर्करोगाचा उपचार लिहून देताना तुमचे डॉक्टर वय, लिंग, वैद्यकीय इतिहास आणि कुटुंबाचा वैद्यकीय इतिहास यासारख्या सर्व घटकांचा विचार करतील. प्रोस्टेट कर्करोगाच्या उपचारांच्या काही सर्वात प्रभावी पद्धती आहेत:

कर्करोग सुरुवातीच्या टप्प्यात असतो, तेव्हा तुमचे डॉक्टर तुम्हाला उपचार सुरू करण्यापूर्वी तो वाढत आहे किंवा पसरत आहे हे पाहण्याचा सल्ला देऊ शकतात. डॉक्टर सहसा लक्षणे दिसू लागेपर्यंत वाट पाहू शकतात. दरम्यान, कर्करोगाची प्रगती तपासण्यासाठी तुम्हाला नियमित अल्ट्रासाऊंड, प्रोस्टेट-स्पेसिफिक अँटीजेन (PSA) रक्त चाचण्या, गुदाशय तपासणी आणि बायोप्सी करावी लागेल. ही पद्धत तेव्हा वापरली जाते जेव्हा कर्करोग मर्यादित आणि लहान असतो आणि कोणतीही लक्षणे दिसत नाहीत. कर्करोग वाढत गेल्यास, तुम्हाला पुढील उपचार घ्यावे लागतील.

शस्त्रक्रियेमध्ये प्रोस्टेट ग्रंथी आणि आजूबाजूच्या ऊती काढून टाकल्या जातात. ज्या प्रकरणांमध्ये कर्करोग केवळ प्रोस्टेट ग्रंथीपुरता मर्यादित असतो आणि पुढे वाढलेला नसतो अशा प्रकरणांमध्ये रॅडिकल प्रोस्टेटेक्टॉमी निवडली जाते. मात्र, कर्करोग पुन्हा होण्याची शक्यता असते. या पद्धतीचे दुष्परिणाम म्हणून मूत्र असंयम (मूत्राशयावरील नियंत्रण सुटणे) आणि लैंगिक शिथिलता यांचा समावेश होतो. शस्त्रक्रियेदरम्यान आजूबाजूच्या मज्जातंतूंचे संरक्षण करणे शक्य आहे का, आणि त्याद्वारे दुष्परिणाम टाळता येतील का, हे पाहण्यासाठी या मुद्द्यांवर तुमच्या डॉक्टरांशी चर्चा करा.

हार्मोन थेरपीमुळे प्रोस्टेट कर्करोगाच्या पेशींच्या वाढीस उत्तेजन देणारे पुरूषी हार्मोन्स म्हणजेच अँड्रोजेन कमी होतात. अँड्रोजेन सप्रेशन पद्धत शरीरातील अँड्रोजेनची पातळी कमी करते, त्यामुळे ट्यूमर आकुंचन पावतो किंवा त्याची प्रगती मंदावते. मात्र, केवळ ही थेरपी प्रोस्टेट कर्करोग बरा करू शकत नाही.बहुतेकदा, हार्मोन थेरपीनंतर केमोथेरपी किंवा रेडिएशन थेरपी केली जाते.

रेडिएशन थेरपीमध्ये कर्करोगाच्या पेशी मारण्यासाठी उच्च ऊर्जा किरणांचा वापर केला जातो. कर्करोग प्रोस्टेटच्या पलीकडे गेला नसल्यास, ही पद्धत वापरली जाऊ शकते. रेडिएशन थेरपी कर्करोगाची प्रगती कमी करते. या पद्धतीचे दुष्परिणाम म्हणून जुलाब, अनैच्छिक व वेदनादायक लघवी आणि लैंगिक शिथिलता यांचा समावेश होतो.

ही एक आक्रमक थेरपी आहे ज्यामध्ये ट्यूमर मारण्यासाठी आणि त्याची वाढ मंदावण्यासाठी औषधे वापरली जातात. कर्करोग आधीच पसरला असल्यास आणि प्रगत अवस्थेत असल्यास, ही थेरपी स्वीकारली जाऊ शकते. मात्र, केमोथेरपीचा एक दुष्परिणाम म्हणजे तो शरीरातील निरोगी पेशींना देखील नुकसान पोहोचवू शकतो.

कर्करोग विमा योजना ही कर्करोगाच्या निदानापासून ते पुढील उपचार आणि रोगमुक्तीपर्यंतच्या वैद्यकीय खर्चाचा समावेश करते. कर्करोगासाठीचे विशेष नियोजन असणे अत्यंत आवश्यक आहे; कारण खर्चाची पर्वा न करता, उपलब्ध असलेल्या सर्वोत्तम उपचारांचा लाभ घेण्याची सुविधा यामुळे तुम्हाला मिळते. तुम्ही तुमच्या आर्थिक परिस्थितीची काळजी न करता अत्याधुनिक रुग्णालयांमधील तज्ञ आणि तज्ञांचा सल्ला देखील घेऊ शकता. इतकेच नव्हे, तर कर्करोग विमा योजना तुमच्या नियमित उत्पन्नाची जागा घेते आणि, जर तुम्ही या जीवघेण्या आजाराला बळी पडलात, तर तुमच्या कुटुंबाचे कोणत्याही आर्थिक दुष्परिणामांपासून रक्षण करते.