എസ്‌ബിഐ ലൈഫ് - ഗ്രാമീൺ സൂപ്പർ സുരക്ഷ

ഡെത്ത് ബെനിഫിറ്റ്:

പോളിസി കാലാവധിയിൽ ഇൻഷ്വർ ചെയ്യപ്പെട്ടയാളുടെ മരണം സംഭവിക്കുകയാണെങ്കിൽ തിരഞ്ഞെടുത്തിട്ടുള്ള സം അഷ്വേർഡ് നൽകുന്നതാണ്, പോളിസി പ്രാബല്യത്തിലുണ്ടെങ്കിൽ.

മെച്യുരിറ്റി ബെനിഫിറ്റ്:

ഇത് ഒരു പ്യുവർ റിസ്ക്ക് പ്രീമിയം പ്രൊഡക്ടായതിനാൽ ഈ പ്ലാനിനു കീഴിൽ യാതൊരു മെച്യുരിറ്റി ബെനിഫിറ്റും നൽകുന്നതല്ല.

മറ്റു വിവരങ്ങൾ

• സറണ്ടർ
  12 മാസം പൂർത്തിയായതിനു ശേഷം പോളിസി പ്രാബല്യത്തിലുണ്ടെങ്കിൽ മാത്രം മാസ്റ്റർ പോളിസിഹോൾഡറുടെയോ ഇൻഷ്വർ ചെയ്യപ്പെട്ട അംഗത്തിന്റെയോ അപേക്ഷ പ്രകാരം സറണ്ടർ ബെനിഫിറ്റ് നൽകുന്നതാണ്. 13 മാസമോ അതിലധികമോ പോളിസി കാലാവധിയുള്ള സിംഗിൾ പ്രീമിയം പോളിസികൾക്ക് സറണ്ടർ വാല്യു നൽകുന്നതാണ്.
• ഗ്രേസ് പീരീഡ്
  റെഗുലർ പ്രീമിയം പോളിസികൾക്ക് പ്രീമിയം അടച്ച തീയതി മുതൽ 30 ദിവസത്തെ ഒരു ഗ്രേസ് പീരീഡ് അനുവദിക്കുന്നതാണ്.
• പുതുക്കൽ
  റെഗുലർ പ്രീമിയം അടയ്ക്കൽ രീതിയാണെങ്കിൽ, ഒരു ഗ്രൂപ്പ് അംഗത്തിന് പോളിസി കാലാവധി അവസാനിക്കുന്നതിനു മുമ്പ് അയാളുടെ ഇൻഷുറൻസ് പരിരക്ഷ പുതുക്കുന്നതിനുള്ള അവസരം ഉണ്ടായിരിക്കും. ഇത് ബോർഡ് അംഗീകരിച്ച അണ്ടർറൈറ്റിംഗ് പോളിസിക്കും ബാധകമായ പലിശയ്ക്കും വിധേയമായിരിക്കും.
• ഫ്രീ ലുക്ക് കാലാവധി
  ഗ്രൂപ്പ് അംഗത്തിന് (സ്വന്തം ഇഷ്ടപ്രകാരമുള്ള സ്കീമുകൾക്ക്)/മാസ്റ്റർ പോളിസിഹോൾഡർക്ക് സർട്ടിഫിക്കറ്റ് ഓഫ് ഇൻഷുറൻസിന്റെ/മാസ്റ്റർ പോളിസിയുടെ നിബന്ധനകളിലും വ്യവസ്ഥകളിലും തൃപ്തിയില്ലാതിരിക്കുകയും കോൺട്രാക്ട് ക്യാൻസൽ ചെയ്യാൻ ആഗ്രഹിക്കുകയും ചെയ്യുന്നു എങ്കിൽ ഇലക്ട്രോണിക് പോളിസികളും ഡിസ്റ്റൻസ് മാർക്കറ്റിംഗ് വഴി എടുത്ത പോളിസികളും അല്ലാത്തവയ്ക്ക് സർട്ടിഫിക്കറ്റ് ഓഫ് ഇൻഷുറൻസ്/മാസ്റ്റർ പോളിസി ലഭിച്ച തീയതി മുതൽ 15 ദിവസങ്ങൾക്കകവും ഇലക്ട്രോണിക് പോളിസികൾക്കും ഡിസ്റ്റൻസ് മാർക്കറ്റിംഗ് വഴി എടുത്ത പോളിസികൾക്കും സർട്ടിഫിക്കറ്റ് ഓഫ് ഇൻഷുറൻസ്/മാസ്റ്റർ പോളിസി ലഭിച്ച തീയതി മുതൽ 30 ദിവസങ്ങൾക്കകവും ക്യാൻസൽ ചെയ്യുവാനുള്ള കാരണങ്ങൾ പ്രസ്താവിച്ചു കൊണ്ടുള്ള ഒരു കത്ത് സഹിതം പോളിസി കമ്പനിക്ക് തിരികെ നൽകുന്നതിലൂടെ അയാൾക്ക്/അവർക്ക് അങ്ങനെ ചെയ്യാൻ സാധിക്കുന്നതാണ്. അടച്ച പ്രീമിയം വൈദ്യ പരിശോധനകൾ (ഉണ്ടെങ്കിൽ), സ്റ്റാമ്പ ഡ്യൂട്ടി, ബാധകമായ നികുതികൾ മുതലായവയ്ക്കായി ഇൻഷുറൻസ് കമ്പനിക്കുണ്ടായ ചെലവുകൾ കിഴിച്ചതിനു ശേഷം തിരികെ നൽകുന്നതാണ്. പരിരക്ഷ നൽകിയ കാലാവധിക്കു വേണ്ടിയുള്ള ആനുപാതിക റിസ്ക്ക് പ്രീമിയവും കിഴിക്കുന്നതാണ്.
• വായ്പാ സൗകര്യം
  ഈ പ്ലാനിനു കീഴിൽ വായ്പാ സൗകര്യം ലഭ്യമല്ല.

ഒഴിവാക്കപ്പെട്ടിരിക്കുന്നവ

ആത്മഹത്യ ക്ലെയിം നിയമങ്ങൾ

മെമ്പർ പോളിസിക്കു കീഴിലുള്ള പരിരക്ഷ തുടങ്ങിയ തീയതി/പരിരക്ഷ പുതുക്കിയ തീയതി മുതൽ 12 മാസത്തിനകം ഇൻഷ്വർ ചെയ്യപ്പെട്ട അംഗം ആത്മഹത്യ ചെയ്യുകയാണെങ്കിൽ മരണമടഞ്ഞ ഗ്രൂപ്പ് അംഗത്തിനുള്ള ഡെത്ത് ബെനിഫിറ്റുകൾ നൽകുന്നതല്ല. അത്തരം സന്ദർഭങ്ങളിൽ, അംഗത്തിന്റെ മരണ ദിവസം വരെ അടച്ചിട്ടുള്ള ആകെ പ്രീമിയങ്ങളുടെ 80% (ബാധകമായ നികുതികൾ കിഴിച്ചതിനു ശേഷം) അല്ലെങ്കിൽ മരണ ദിവസത്തിൽ ലഭ്യമായിട്ടുള്ള സറണ്ടർ വാല്യു (ഉണ്ടെങ്കിൽ), ഏതാണോ കുടൂതലുള്ളത്, മരണമടഞ്ഞ അംഗത്തിന്റെ നോമിനിക്ക് അല്ലെങ്കിൽ ഗുണഭോക്താവിന് നൽകുന്നതാണ്, പോളിസി പ്രാബല്യത്തിലുണ്ടെങ്കിൽ.