ഇൻഷ്വറൻസിനെ കുറിച്ച് അറിയുക

നിങ്ങളുടെ ജീവിതത്തിലെ ഏറ്റവും മികച്ച വർഷങ്ങൾക്കായി സാമ്പത്തികമായി തയ്യാറെടുക്കുക

ഔദ്യോഗിക ജീവിതത്തിൽ നിന്ന്‌ വിരമിച്ച ശേഷമുള്ള കാലം, നിങ്ങൾ മനസ്സിൽ താലോലിച്ച നിമിഷങ്ങൾ ആസ്വദിക്കാനും ആഗ്രഹിക്കുന്നത് ചെയ്യാനുമുള്ളതാവട്ടെ. സാമ്പത്തികമായ ആശങ്കകളും ഉത്തരവാദിത്വങ്ങളും കഴിഞ്ഞുപോയ ഒരു കാലത്തിന്റെ ഭാഗം മാത്രമായിരിക്കാം, എന്നാൽ കൂട്ടുകുടുംബവ്യവസ്ഥ വർഷങ്ങൾക്ക് മുമ്പുതന്നെ ഇല്ലാതായതിന്റെയും കുതിച്ചുയരുന്ന നാണയപ്പെരുപ്പ നിരക്കിന്റെയും പശ്ചാത്തലത്തിൽ, പവർ ഓഫ് കോമ്പൗണ്ടിംഗിന്റെ നേട്ടം ലഭിക്കാൻ റിട്ടയർമെന്റ് സമ്പാദ്യം, വളരെ നേരത്തേ തന്നെ യഥാക്രമം നിക്ഷേപിച്ചു തുടങ്ങേണ്ടതുണ്ട്.

ആയുർദൈർഘ്യത്തിലെ വർദ്ധനവും ഉയരുന്ന ആരോഗ്യ പരിപാലന, ജീവിതശൈലി ചിലവുകളും കണക്കിലെടുത്ത്‌, ഒരാൾക്ക് റിട്ടയർമെന്റിന്‌ ശേഷം ഒരു സ്ഥിര വരുമാനം ഉറപ്പാക്കേണ്ടതുണ്ട്‌. ഇവിടെയാണ് നേരത്തേ, ശരിയായ പ്ലാനിൽ നടത്തുന്ന നിക്ഷേപം സഹായകരമാവുക.