നിങ്ങളുടെ വയറിനും പോക്കറ്റിനും താങ്ങാവുന്ന രോഗ്യകരമായ ഭക്ഷണങ്ങളുടെ പാചകക്കുറിപ്പുകൾ

തിരക്കേറിയ ജീവിതം നയിക്കുന്നതിനാൽ ഒരു നേരമെങ്കിലും ഭക്ഷണത്തിനായി ഇരിക്കാൻ സമയം കിട്ടുന്നില്ല. ഇതിനർത്ഥം നിങ്ങൾ ജങ്ക് ഫുഡും ഫാസ്റ്റ് ഫുഡും കഴിച്ച് ജീവിക്കേണ്ടിവരുന്നുവെന്നാണ്, ഇത് നിങ്ങളുടെ ആരോഗ്യത്തെ ബാധിക്കുകയും വൈദ്യശാസ്ത്രപരമായ അപാകതകൾക്ക് കാരണമാവുകയും ചെയ്യും.

ആരോഗ്യകരമായ ഒരു ഭക്ഷണക്രമം ഇതിന് പരിഹാരമാകും. അല്ല, അതിനർത്ഥം നിങ്ങൾ മണിക്കൂറുകളോളം അടുക്കളയിൽ ചെലവഴിക്കണമെന്നോ സൂപ്പർമാർക്കറ്റിൽ പോയി പ്രത്യേകമായ സാധനങ്ങൾ വാങ്ങണമെന്നോ അല്ല. നിങ്ങളുടെ പോക്കട്ടിനും വയറിനും ഭാരം കുറഞ്ഞതായ ഒരു ഭക്ഷണം നിങ്ങൾക്ക് എളുപ്പത്തിൽ തയ്യാറാക്കാം.

അതുകൊണ്ട് നിങ്ങൾ ഒരു ടിഫിൻ പായ്ക്ക് ചെയ്യാൻ ആഗ്രഹിക്കുന്നുണ്ടോ, അല്ലെങ്കിൽ വീട്ടിൽ അത്താഴം കഴിക്കാൻ ആഗ്രഹിക്കുന്നുണ്ടോ, അല്ലെങ്കിൽ ബജറ്റിൽ ഒതുങ്ങുന്ന ശരീരഭാരം കുറയ്ക്കാനുള്ള ആരോഗ്യകരമായ പാചകക്കുറിപ്പുകൾ അന്വേഷിക്കുകയാണോ, നിങ്ങൾക്ക് പരീക്ഷിക്കാവുന്ന ചില ലളിതമായ പാചകക്കുറിപ്പുകൾ ഞങ്ങൾ പട്ടികപ്പെടുത്തുന്നു.

ശരീരഭാരം കുറയ്ക്കാൻ കുറഞ്ഞ ചെലവിൽ തയ്യാറാക്കുന്ന ആരോഗ്യകരമായ പാചകക്കുറിപ്പുകൾ തിരയുകയാണെങ്കിൽ, നാച്ച്‌നിദോസ നിങ്ങൾക്ക് അനുയോജ്യമാണ്. അടുക്കളയിൽ എളുപ്പത്തിൽ ലഭ്യമാകുന്ന വളരെ കുറച്ച് ചേരുവകൾ മാത്രമേ ഇതിന് ആവശ്യമുള്ളൂ. നാച്ച്‌നിദോസ ഉണ്ടാക്കാൻ, നാച്ച്‌നി അഥവ റാഗി കഴുകി ഒരു രാത്രി മുഴുവൻ വെള്ളത്തിൽ കുതിർക്കുക. രാവിലെ, വെള്ളം ഊറ്റിക്കളഞ്ഞ് റാഗി മിനുസമാർന്ന പേസ്റ്റാക്കി മാറ്റുക. പൊടിക്കുമ്പോൾ കൊഴുപ്പ് ക്രമീകരിക്കാൻ അൽപം വെള്ളം ചേർക്കുക. ഇനി, നന്നായി അരിഞ്ഞ ഉള്ളി, മല്ലിയില, ഉപ്പ്, പച്ചമുളക്, വെളുത്തുള്ളി പേസ്റ്റ് എന്നിവ ചേർത്ത് നന്നായി ഇളക്കുക. ഒരു ദോശ പാനിയോ മറ്റേതെങ്കിലും നോൺ-സ്റ്റിക്ക് ഗ്രിൽഡോ ചൂടാക്കി അതിൽ കുറച്ച് എണ്ണ പുരട്ടുക. ആവശ്യത്തിന് ചൂടാകുമ്പോൾ, ഒരു കയ്യിൽ മാവ് പാനിൽ ഒഴിച്ച് നേർത്ത ദോശ ഉണ്ടാക്കാൻ വൃത്താകൃതിയിൽ പരത്തുക. ദോശ ഇരുവശത്തും സ്വർണ്ണ തവിട്ട് നിറമാകുന്നതുവരെ വേവിക്കുക. പുതിന ചട്ണിയ്ക്കൊപ്പം ചൂടോടെ വിളമ്പുക.

ആരോഗ്യകരവും പോഷകസമൃദ്ധവുമായ ഈ മൾട്ടിഗ്രെയിൻ റൊട്ടി, ആരോഗ്യകരമായ 5 ന്ത്യൻ ധാന്യങ്ങൾ ഉപയോഗിച്ചാണ് നിർമ്മിച്ചിരിക്കുന്നത്: ജോവർ, ബജ്ര, കടല, ഗോതമ്പ്, റാഗി (അല്ലെങ്കിൽ നാച്ച്നി). ഇരുമ്പ്, പ്രോട്ടീൻ, വിറ്റാമിൻ ബി, നാരുകൾ എന്നിവയാൽ സമ്പന്നമാണ് ഇത്. മൾട്ടിഗ്രെയിൻ റൊട്ടി ഉണ്ടാക്കാൻ, അഞ്ച് പൊടികളും (1/4 കപ്പ് വീതം) നന്നായി അരിഞ്ഞ ഉള്ളി, പച്ചമുളക്, മല്ലിയില എന്നിവ ചേർത്ത് ഒരു ആഴത്തിലുള്ള മിക്സിംഗ് പാത്രത്തിൽ ചേർക്കുക. ഒരു നുള്ള് മഞ്ഞൾപ്പൊടി, കുറച്ച് ചുവന്ന മുളകുപൊടി, രുചി അനുസരിച്ച് ഉപ്പ് എന്നിവ ചേർക്കുക. വെള്ളം ഒഴിച്ച് മാവ് മൃദുവായി കുഴയ്ക്കുക. മാവ് ചെറിയ ഭാഗങ്ങളായി വിഭജിക്കുക. ഒരു സമയം ഓരോ ഭാഗം എടുത്ത് ഒരു റോളിംഗ് പിൻ ഉപയോഗിച്ച് പരത്തുക. ഇനി പരത്തിയെടുത്ത റൊട്ടി ഒരു ചൂടുള്ള നോൺ-സ്റ്റിക്ക് തവയിൽ വയ്ക്കുക, ഇരുവശത്തും സ്വർണ്ണ തവിട്ട് നിറമാകുന്നതുവരെ വേവിക്കുക. പരിപ്പ് അല്ലെങ്കിൽ നിങ്ങൾക്ക് ഇഷ്ടമുള്ള ഗ്രേവിയ്ക്കൊപ്പം വിളമ്പുക.

1/4 കപ്പ് ചെറുപയർ കഴുകി 30 മിനിറ്റ് വെള്ളത്തിൽ കുതിർക്കുക. ഒരു പ്രഷർ കുക്കറിൽ എണ്ണ ചൂടാക്കി ജീരകവും കായവും ചേർത്ത് ഒരു മിനിറ്റ് വയ്ക്കുക. ഇനി ഉള്ളിയും പച്ചമുളകും ചേർത്ത് വീണ്ടും ഒരു മിനിറ്റ് വഴറ്റുക. ഇതിലേക്ക് ഇഞ്ചി-വെളുത്തുള്ളി പേസ്റ്റ്, മുളകുപൊടി, മഞ്ഞൾപ്പൊടി എന്നിവ ചേർത്ത് കുറഞ്ഞ തീയിൽ വഴറ്റുക. 1 കപ്പ് ഓട്സ്, ചെറുപയർ, നിങ്ങൾക്ക് ഇഷ്ടമുള്ള പച്ചക്കറികൾ (ഫ്രഞ്ച് ബീൻസ്, കാരറ്റ്, കാപ്സിക്കം, കടല) എന്നിവ ചേർക്കുക. 2-3 മിനിറ്റ് ഇടത്തരം തീയിൽ നന്നായി ഇളക്കി വേവിക്കുക. മൂന്ന് കപ്പ് ചൂടുവെള്ളവും രുചിക്ക് ഉപ്പും ചേർക്കുക. നന്നായി ഇളക്കി 2-3 വിസിൽ വരെ പ്രഷർകുക്കറിൽ വേവിക്കുക. പ്രഷർ കുക്കറിൽ ആവി തണുത്ത ഉടൻ ചൂടോടെ വിളമ്പുക.

തിരക്കേറിയ പ്രഭാതഭക്ഷണത്തിന് മുട്ട കൊത്തിപ്പൊരിച്ചത് ഒരു മികച്ച ബജറ്റ്-ഫ്രണ്ട്‌ലി, ആരോഗ്യകരമായ ഭക്ഷണ ഓപ്ഷനാണ്. പോഷകങ്ങൾ നിറഞ്ഞതും കൊഴുപ്പും കൊളസ്ട്രോളും കുറഞ്ഞതുമായ ചീര ചേർത്തുകൊണ്ട് ഇത് കൂടുതൽ ആരോഗ്യകരമാക്കാം. പ്രോട്ടീൻ നിറഞ്ഞ ഈ പ്രഭാതഭക്ഷണം ഉണ്ടാക്കാൻ, ഒരു വലിയ പാൻ ഇടത്തരം ഉയർന്ന തീയിൽ ചൂടാക്കി അതിൽ അല്പം എണ്ണ പുരട്ടുക. ഒരു വയർ വിസ്ക് ഉപയോഗിച്ച് 4-5 മുട്ടകൾ അടിച്ചെടുക്കുക, തുടർന്ന് 2 ടേബിൾസ്പൂൺ പാൽ, ഉപ്പ്, കുരുമുളക് പൊടി എന്നിവ ചേർക്കുക. മിശ്രിതം നന്നായി അടിച്ച് യോജിപ്പിക്കുക, പാനിൽ ഒഴിക്കുക, വേവുമ്പോൾ ഇളക്കിയെടുക്കുക. മുട്ട വേവാൻ തുടങ്ങുമ്പോൾ ഒരു പിടി ചീര അരിഞ്ഞത് പാനിൽ ചേർക്കുക. മുട്ട ഒഴുകി പോകുന്നത് നിൽക്കുന്നത് വരെ 2 മിനിറ്റ് കൂടി വേവിക്കുക. ധാന്യ ടോസ്റ്റിനൊപ്പം വിളമ്പുക.

നിങ്ങൾക്ക് ഇഷ്ടമുള്ള എന്തും പാചകക്കുറിപ്പുകളിൽ ചേർക്കാം, പക്ഷേ എണ്ണയുടെ ഉപയോഗം പരമാവധി കുറയ്ക്കാൻ ഓർമ്മിക്കുക. ഈ പാചകക്കുറിപ്പുകൾ വളരെ ലളിതവും ബജറ്റിൽ ഒതുങ്ങുന്നതും ആരോഗ്യകരവുമായ ഭക്ഷണം കഴിക്കാൻ നിങ്ങളെ സഹായിക്കും.