ਐਸਬੀਆਈ ਲਾਈਫ਼ - ਪ੍ਰਧਾਨ ਮੰਤਰੀ ਜੀਵਨ ਜਿਓਤੀ ਬੀਮਾ ਯੋਜਨਾ

ਮੈਂਬਰਸ਼ਿਪ :
ਸਕੀਮ ਵਿੱਚ ਸ਼ਾਮਿਲ ਹੋਣ ਲਈ ਬੀਮਾ ਸੁਰੱਖਿਆ ਸ਼ੁਰੂ ਹੋਣ ਦੀ ਮਿਤੀ ਬੀਮੇ ਵਾਲੇ ਮੈਂਬਰ ਦੇ ਖਾਤੇ ਵਿੱਚੋਂ ਪ੍ਰੀਮੀਅਮ ਕੱਟੇ ਜਾਣ ਦੀ ਮਿਤੀ ਹੁੰਦੀ ਹੈ ਅਤੇ ਬੀਮਾ ਸੁਰੱਖਿਆ ਅਗਲੇ ਸਾਲ ਦੀ 31 ਮਈ ਤਕ ਹੋਵੇਗੀ। ਪਾਲਸੀ ਸ਼ੁਰੂ ਹੋਣ ਦੀ ਮਿਤੀ 1 ਜੂਨ 2015 ਹੈ ਅਤੇ ਸ਼ੁਰੂਆਤੀ ਬੀਮਾ ਸੁਰੱਖਿਆ 31 ਮਈ 2016 ਤਕ ਹੋਵੇਗੀ । ਇਸ ਤੋਂ ਬਾਅਦ, ਹਰ ਸਾਲ 1 ਜੂਨ ਨੂੰ ਤੁਹਾਡੇ ਬੱਚਤ ਬੈਂਕ ਖਾਤੇ ਵਿੱਚੋਂ ਪ੍ਰੀਮੀਅਮ ਕੱਟ ਕੇ ਬੀਮਾ ਸੁਰੱਖਿਆ ਦਾ ਨਵੀਨੀਕਰਣ ਕੀਤਾ ਜਾ ਸਕਦਾ ਹੈ । ਇਹ ਪ੍ਰੀਮੀਅਮ ਭਾਰਤ ਸਰਕਾਰ ਦੁਆਰਾ ਸਮੇਂ-ਸਮੇਂ ਤੇ ਤੈਅ ਕੀਤੇ ਅਨੁਸਾਰ ਬਦਲ ਸਕਦਾ ਹੈ ।

ਜੇ ਮੈਂਬਰ 1 ਜੂਨ ਤੋਂ ਬਾਅਦ ਸਕੀਮ ਵਿੱਚ ਸ਼ਾਮਿਲ ਹੋਣਾ ਚਾਹੁੰਦੇ ਹਨ, ਤਾਂ ਉਹ ਪੂਰੇ ਸਾਲ ਦਾ/ਸ਼ਾਮਿਲ ਹੋਣ ਦੇ ਮਹੀਨੇ ਦੇ ਆਧਾਰ ਤੇ ਅਨੁਪਾਤ ਅਨੁਸਾਰ ਪ੍ਰੀਮੀਅਮ ਭਰ ਕੇ ਅਤੇ ਸਕੀਮ ਦੇ ਨਿਯਮਾਂ ਵਿੱਚ ਜ਼ਿਕਰ ਕੀਤੇ ਅਨੁਸਾਰ ਜ਼ਰੂਰੀ ਦਸਤਾਵੇਜ਼/ਐਲਾਨਨਾਮਾ, ਜੇ ਹੋਵੇ, ਜਮ੍ਹਾ ਕਰਾ ਕੇ ਇੰਝ ਕਰ ਸਕਦੇ ਹਨ । ਮੈਂਬਰ ਬਣਨ ਦੇ ਨਿਯਮ ਭਾਰਤ ਸਰਕਾਰ ਦੁਆਰਾ ਸਮੇਂ-ਸਮੇਂ ਤੇ ਤੈਅ ਕੀਤੇ ਜਾਣਗੇ । ਯੋਜਨਾ ਦੇ ਅਧੀਨ ਪੂਰੇ ਸਾਲ ਦਾ ਪ੍ਰੀਮੀਅਮ ਮਤਲਬ 330 ਰੁ: ਨਵੀਨੀਕਰਣ ਕਰਵਾਉਣ ਵੇਲੇ ਭਰਨੇ ਪੈਣਗੇ ਅਤੇ ਅਨੁਪਾਤ ਅਨੁਸਾਰ ਅਦਾਇਗੀ ਦੀ ਇਜਾਜ਼ਤ ਨਹੀਂ ਹੋਵੇਗੀ ।

ਰੋਕਾਂ:
ਯੋਜਨਾ ਵਿੱਚ ਨਾਮਾਂਕਣ ਕਰਵਾਉਣ ਵਾਲੇ ਨਵੇਂ ਮੈਂਬਰਾਂ ਲਈ ਯੋਜਨਾ ਵਿੱਚ ਨਾਮਾਂਕਣ ਦੀ ਮਿਤੀ ਤੋਂ ਪਹਿਲੇ 45 ਦਿਨਾਂ ਦੌਰਾਨ ਜੋਖਮ ਕਵਰ ਨਹੀਂ ਕੀਤਾ ਜਾਵੇਗਾ (ਲੀਅਨ ਦਾ ਸਮਾਂ) ਅਤੇ ਲੀਅਨ ਦੇ ਸਮੇਂ ਦੌਰਾਨ ਮੌਤ ਦੇ ਮਾਮਲੇ ਵਿੱਚ (ਦੁਰਘਟਨਾ ਤੋਂ ਬਿਨਾਂ ਕਿਸੇ ਹੋਰ ਕਾਰਨ ਕਰਕੇ) ਕੋਈ ਦਾਅਵਾ ਸਵੀਕਾਰ ਨਹੀਂ ਹੋਵੇਗਾ |